Taju Entrinacional

Esti artícalu es un encetu Si te apeta, pueis enlial-ti a trebajal en él, precurandu más información i amejorandu lo escritu.

El Parqui Natural Tahu Entrinacional es unu los dos parquis naturalis colos que cuenta Estremaura. Inque rialmenti se trata dun parqui dobri, ya qu'al otru lau la frontera purtuguesa la zona cuenta cola mesma proteción que nel lau español, si bien en aquella parti ai mas cantiá e territóriu protehiu.

Superfici

El Parqui Natural ocupa el tramu e Tahu assitiau entri la puenti romana d'Alcántara i la presa e Ceillu, asín cumu los afluentis que viertin a él.

Abada 25.088 etáreas, repartias entri los términus municipalis de: Alcántara, Broças, Carbahu, Ceillu, Herrera d'Alcántara, Membriu, Salorinu, Herreruela, Santiagu d'Alcántara, Valencia d'Alcántara i Çarça la Mayol.

Fauna

Varias i emportantis son las especis que horman parti el parqui, angunas dellas en peligru d'estinción, cumu pol sabulugal: la cibueña negra, el águila emperial ibérica i el cangrehu e riu autótunu.

Son tamién sensibris al cámbeu el su ábitat: la nutria, el lagartu verdinegru, el águila culebrera, el águila rial, el alimochi, el butri leonau, el butri negru i el águila perdicera.

Frora

Entri la frora que carateriza al parqui, pudriamus destacal: el arci e Motpellier, candelerus…