Tamara de Lempicka

Agora ain pessonas trebajandu nesti artícalu Por causa d'estu, puein faltal conteníus o avel marrus en el hormatu. Has el favol, enantis de hazel qualquiera muación, vai-ti ala carava a tentu d'esti artícalu pa poel cordinal la su redación.

Tamara de Lempicka
Enhormación pressonal
Nombri de nacencia	Tamara de Łempicka
Nombre en polaco	Tamara Łempicka
Nacencia	16 de mayo de 1898 Varsovia (Imperio ruso)
Muerti	18 de marzo de 1980 (81 años) Cuernavaca (Méjicu)
Sepoltura	Popocatépetl
Nacionalidá	Polaca y rusa
Familia
Cónyugi	Raoul Kuffner (1934-1961)
Educación
Educau en	Académie de la Grande Chaumière
Enhormación profissional
Oficiu	Pintol y artista
Ária	Pintura
Movimientu	Art déco
Génerus	Retratu, bodegón y desnúu
Sitiu web	www.delempicka.org

Tamara Rozalia Gurwik-Górska, tamién conocía comu Tamara Łempicka o Tamara de Lempicka (Varsovia, Imperiu Russu ,16 de Mayu de 1898 - Cuernavaca, Méjicu,18 de Marçu de 1980) hue una pintora polaca, conocía por sel l'única pintora en estilu Art decó dela estoria.

Biografía

Dela vida de Tamara de Lempicka pocu se sabi con claridá, pues tirava a invental la su vida. De cachus más fiablis dela su vida se conocin gracias ala su hija Kizette de Lempicka-Foxhall. Delo porqué s'inventaba la su vida se cavila que púu sel qu'el su pairi huera d'origi judíu i ententara d'incultal-lu debíu ala presecución de judíus ena Alemaña Nazi i alogu ena Segundera Guerra Mundial. Peru esta teoría no está prová.

Del su lugal de nacencia essistin varias vessionis encruyendu qu'en ralidá tuvu nacencia en Moscú, peru la vessión oficial dizi que Tamara Gurwik-Gorska tuvu nacencia en 1898 en Varsovia, endretu duna familia polaca de crassi arropá. Debíu alas particionis dela Repúbrica delas Dos Nacionis duranti el siegru XVIII, Varsovia hormaba parti del Emperiu Russu, i sufrió dun processu de russificación i represión contra la entidá polaca. Dela su entidá étnica i coltural pocu se sabi, anque paeci que s'entificó más cola crassis governantis russas del régimi zarista. La su mairi era Malvina Decler una mugel rica que podía viajal polos spas d'Uropa comu Carlsbad, Marienbad o Montecarlo, i el su pairi Boris Gorski, un avogau duna firma francesa. Dambus se conocierun en unu delos viagis de Malvina. Dela vida del su pairi pocu se sabi más allá del su nombri i el su oficiu.

La collera tuvu tres ijus el iju mayol Stanczyk, la mediana Tamara i la menol Adrienne. Polo que Tamara dezía, la su infancia hue felís.

El su primel contatu cola pintura i el mundu del arti hue a través dela su mairi, que quandu la su ija tenía dozi añus mandó hazel un retratu d'ella a una pintora. d'essa vivencia escomençó a pintal. La su passión pola pintura acontinó i acreció el siguienti añu, en 1911, quandu la su agüela Clementine Decler la llevó a un viagi a Italia. Dambus tuvun que covencel alos sus pairis, Tamara cola proposición de que ayudaría ala su salú (fengiendu estal enferma), i la su agüela cola proposición d'acompañal ala su ñeta por Italia i Montecarlo (i assí acultal la su passión pol juegu). Nessi viagi vesitó varius museus en Venecia, Florencia i Roma, enos que s'enamoró del arti dela Renacencia Italiana (I qu'alogu enfruyerun enos sus trebajus artísticus dela década de 1920 i 1930).

Vea-si tamién

• Art Decó

Biblografía

• Bade, Patrick. LEMPICKA (en ingrés). Cidá Ho Chi Min, Vietnam: Baseline Co Ltd. ISBN 978-1-78042-969-4. 
• Alan Axelrod, ed. (1987). Passion by Dessign, The Art And Times of Tamara de Lempicka (en ingrés). 488 Madison Avenue, Nueva York, Estaus Uñíus: Abeville Press. ISBN 0-89659-760-1. 

Atijus pa'huera

• Datos: Q229351
• Multimedia: Tamara de Lempicka / Q229351