The Fox and the Hound

Dendi Güiquipeya
Sartal a: Güiquipeandu, Landeal

The Fox and the Hound (estremeñu: El çorru i el sabuesu) es una pinicla animá de 1981 proucia por Walt Disney Productions. La pinicla está basá nel libru del mesmu nombri de Daniel P. Mannix i cuenta la via de dos collacius que no puein sé-lu, un çorru colorau i un perru de caça.

En el su momentu hue la pinicla mas cara de Disney con un presupuestu de 12 millonus de dólaris. En 2006 se hizu una secuela pal mercau de cini en casa llamá The Fox and the Hound 2. The Fox and the Hound hue la última pinicla ena cual trebajun leyendas de la animacion comu Ollie Johnston i ondi dierun los sus primerus pasus animaoris reconocius comu Glen Keane, quien mas tardi s'encargaria d'otros pressonajis animaus en huturas piniclas comu The Little Mermaid (1989) u Pocahontas (1995). La pinicla está crassificá comu la crássica d'animacion númeru veintiquartu del estúdiu Disney.

Argumentu[eital | edit source]

La pinicla trata a tentu la relación de dos animales, un çorru colorau llamau Tod i un perru de caça llamau Copper (Toby ena velsión castellanu), los cuales entablan una fuerte amistad siendu pequeñus. Copper es de una raza de perru caçaol i el su amu se lu lleva durante una temporada para ensinistrarlo, así crece comu un feroz caçaol de çorrus i olvida a su collaciu de la infancia. Luegu del entrenu, ya grande, vuelve i es obligadu a ser enemigu de Tod. Pero Tod no ha olvidadu a su collaciu i a pesar de que Copper lu persigue, termina defendiéndolo cuando lu ve en peligro.