The Guardian

The Guardian es un diáriu británicu. Se le conoció dendi 1821 ata 1959 comu el Manchester Guardian. Juntu colos sus perióicus germanus The Observer i The Guardian Weekly, The Guardian jorma parti del Guardian Media Group, propieá del Scott Trust. El Scott Trust fue criau nel 1936 "pa asegural la endependencia financiera i editorial de The Guardian pa siempri i pa salvaguardal la libertá periodística i los valoris liberalis de The Guardian libris de interferencia comercial o política". El Scott Trust se convirtió nuna socieá anónima en 2008, cuna constitución escrita pa proyetal las mesmas protecionis pa The Guardian que jurun en prencipiu construias ena mesma estrutura ideá polos sus criaoris. Los beneficius se rinviertin nel periodismu en vezi de beneficial a un propietariu o acionistas.

Los letoris del periódicu generalmente están ena izquierda del espectru políticu dela opinión política británica. La reputación del periódico comuna plataforma pa la editorial liberal i de izquierda ha llevau al gastaeru del "letor del Guardian" i "Guardianista" como epítetos peyorativos abondu (inque no siempri) paquellus de tendencia izquierdista o tendencias políticamente correctas.

The Guardian está editau por Katharine Viner, que sucedió a Alan Rusbridger en 2015. En 2016, la edición impresa de The Guardian tuvu una circulación diaria promeyu d'aproximadamenti 162,000 copias nel país, por atrás de The Daily Telegraph i The Times. Dendi 2018 ha siu publicau en formato tabloidi. El periódico tieni una edición en línea del Reinu Uniu, asína comu dos sitius web enternacionalis, Guardian Australia (fundá en 2013) i Guardian US (por Estaus Unius, fundá en 2011). La edición en línea del periódicu fue la quinta más leía nel mundu en otubri de 2014, con más de 42,6 millonis de letoris. Las sus edicionis impresas i en línea combinás llegan a quasi 9 millonis de letoris británicus.