The Rescuers

Dendi Güiquipeya
Sartal a: Güiquipeandu, Landeal

The Rescuers es la pinicla númeru 23 ena serii de piniclas animás de Walt Disney Pictures. Hue proucia por Walt Disney Productions i lançá originalmenti enos Estaus Unius el 22 juñu de 1977 por Buena Vista. La pinicla trata a tentu una socieá ratonis, llamá Salvamentu Eficas, assitiá en Nueva York nel sótanu de las Naciones Unidas, que hazin el bien nel mundu real. Dos d'estos ratonis, un conserji llamau Bernard, i la eleganti delegá d'Ungría, Miss Bianca, deciin dil al rescati de Penny, una niña sin pairis que á siu secuestrá, cona ayua del cómicu albatrus Orville i una varieá d'animalis abitantis del pantanu ena isla ena que Penny está cautiva.

La pinicla hue inspirá por una serii de librus infantilis escrevius por Margery Sharp, en especial "The Rescuers" i "Miss Bianca", de la literatura ingresa. Estuvu quatru añus en proucion combinandu los talentus de mas de 250 pressonas, encluyendu 40 animaoris que proucierun aprossimadamenti 330.000 dibujus; ubu 14 secuencias con 1.039 escenas separás i 750 decoraus. Debiu al déssitu de la pinicla una secuela entitulá The Rescuers Down Under hue lançá en 1990.