Tian Shan
El Tian Shan (en chinu: 天山; en pinyín: Tiān Shān; 'montañas celestialis'), tamién conocíu comu Tien Shan i Tangri Tagh ('montañas delos espíritus') ena lengua yugul, es una sierra mu grandi assitiá n'Asia Central.
La sierra, qu'esmiença en Tasquén (Toshkent), la capital del Uzbequistán, s'esparrama alo longu delas lindis entri la China, Quirguistán i Cazastán, al norti i ponienti del disiertu'l Takla Makan. Pol sul s'ajunta conas montañas dela sierra de Pamil, mesmu acercandu-si muchu alas montañas del norti del Indu Kush.
Tieni una largol de 2.800 km, acupandu un espaciu mu destensu ena Asia Central, i cuenta con dos picus qu'alcançan los 7.000 m, el Jengish Chokusu (7.439 m) i el Khan Tengri (7.010 m).
