Tiempu

Dendi Güiquipeya
Sartal a: Güiquipeandu, Landeal
Un reló es un aparatu que puei medil el tiempu transcurriu entre dos eventus.

El tiempu es la magnitú física cona que medimus la duracion o deseparacion d'acontecimientus sujetus a cámbeu, de los sistemas sujetus a oselvacion, estu es, el periou que transcurri entre el estau del sistema quandu esti aparentava un estau X i el enstanti nel que X registra una variacion perceptibli pa un oselvaol (o aparatu de media). Es la magnitú que premiti ordenal los sucesus en secuéncias, estableciendu un pasau, un presenti i un huturu, i da lugal al prencipiu de causaliá, unu los asiomas del metodu científicu. El tiempu á siu frecuentementi concebiu como un fluju sucesivu de situacionis atomizás. La su uniá básica nel Sistema Internacional es el segundu, cuyu símbolu es s (debiu a qu'es un símbolu i no una abreviatura, no s'ebi escrevil con mayúscula, ni como "seg", ni agregandu un puntu posteriol).