Tirteu

Dendi Güiquipeya
Sartal a: Güiquipeandu, Landeal

Tirteu (en griegu Τυρταῖος) cantautol líricu griegu.

Via[eital | edit source]

Son escasinus los endirguis tocantis a la via desti cantautol. Vivió pal sigru VII e. C. i la tradición ateniensi dis que nació nel demu las Afinas. Pol oráculu los Delfus Tirteu partició ena segunda guerra contra los messénius i pol esti mistériu veloí es ascritu a Esparta, ondi viviria. Ena socieá espartana paicia sel una contradición abel un ciaanu que huera cantol quandu la su labol era la de sel sordau.

Obra[eital | edit source]

Tirteu compusu elehias escrebias en dialeutu hóniu de las que se conselvan relativamenti estensus cachinus grácias a la antolohia hecha pol Huan Estobeu.

De la mihina de mas de venti testus conselvaus de Tirteu destacan quatru pola su estensión, una relativa a la güena lei u εὐνομία i los otrus tres cancionis marcialis. Enas cancionis marcialis tipu parenéticu se harrea a los sordaus espartanus al runchaeru, paque seyan rézius i dinus descendientis la estirpi Zeus.

Endrentu destas cancionis dessisti una deferéncia sigún el harreu se lo haga a los sordaus veteranus, de la quinta el cantol, ondi velequí esti s’enclui endrentu gastandu el ἡμεῖς "musotrus" u sigún el bichu lo haga a los nuevus, gastandu el ὺμεῖς "vusotrus".

Las vertuis el guerreru —espurechas a las del éroi oméricu— afrorecin nestas cancionis de hurreu, sin éticas ni retólicas: sin çorçoleu ca sordau ebi hazel la su labol cumu parti dun todu. Enas sus cancionis está el miahón el pensaeru i vivieru melital espartanu.