Toscana

Dendi Güiquipeya
Sartal a: Güiquipeandu, landeal
Paisahi de tesus en Val d'Orcia.

La Toscana es una región asitiá acia el noroesti centru d'Italia. Tieni una superficii de 22.994 kilómetrus quairaus i una puebración de 3.734.355 abitantis, toscanus. La ciá capital dela región es Florencia. Limita al noroesti con Liguria, al norti con Emilia-Romaña, al esti con las Marcas i la Umbría, y al sul con el Lacio. Al oesti, los sus 397 km de costas continentalis están bañaus porel mar de Liguria nel tramu centru-septentrional entri Carrara (juntu ala boca del torrenti Parmignola, limíti con la Liguria) i el golfu de Baratti; el mar Tirreno baña pola su vezi la trancajilá costera meridional dentri el tesu de Piombino i la boca del Chiarone, que marca la linde con el Lacio.

La región de Toscana es una delas mayoris i más importantis regionis italianas porel su patrimoniu artísticu, istóricu, económicu, cultural i geográficu. Está asitiá ena zona central de Italia. Es una delas metas turísticas más frequentis en Italia. Su capital, ciá más puebrá (366.074 abitantis) i centru económicu, administrativu i cultural es Florencia.