Trajanu

Dendi Güiquipeya
Sartal a: Güiquipeandu, Landeal
Trajanu.

Marcu Ulpiu Trajanu (en latín, Marcus Ulpius Traianus) conociu comu Trajanu (Itálica, Santiponce, junta la ogañu Sevilla 18 setiembri de 53 - Selinus, 9 agostu de 117) hue un emperaol romanu que gobelnó dende'l añu 98 ata la su muerti en 117, el primel naciu ahuera d'Itália, en Hispania (ogañu España). Enició la tradicionalmenti llamá dinastia Antonina o, según recienti propuesta, Dinastía Ulpio-Aelia.

Sucedió al emperaol Nerva en el añu 98. Comu almenistraol cevil, Trajanu es conociu sobri tou pol su ampliu programa de construción d'edificius públicus, que rehormarun la ciudá de Roma i queó albondu monumentus comu'l foru de Trajanu, el mercau de Trajanu i la Columna Trajana. Sin embargu, hue comu comandanti melital polo que celebró los sus mayoris triunfus. En 101, lançó una espedición punitiva contra el reinu de Dacia gobelnau pol rei Decébalo, estandu a vencel al ejércitu daciu cerca de Tapae en 102, i finalmenti conquistó Dacia completamenti en 106. En 107, Trajanu hue mas al Esti i s'anesionó el reinu nabateu, estableciendu la província d'Arabia Pétrea. Dispués d'un periou de relativa pas endretu el Emperiu, lançó la su campaña final en 113 contra Partia, aportandu ata la ciudá de Susa en 116, i arcançandu con ellu la mássima espansión del Emperiu romanu en tola su estória. Duranti esta campaña, Trajano enfermó i espenó mentris golvia a Roma. Hue deificau pol Senau i las sus ceniças s'enterrarun baju la Columna Trajana. Le sucedió el su sobrinu segundu Adrianu.