UNESCO

Dendi Güiquipeya
Bandera la Unesco

Olganiçación de las Nacionis Unias pala Eucáncia, la Céncia i la Curtura - United Nations Educational, Scientific and Cultural Organization (UNESCO), es un olganismu especialiçau de las Nacionis Unias. Se hundó el 16 de Noviembri de 1945 con el ohetivu de contribuil a la pás i la seguráncia nel mundu pol mé la eucáncia, la céncia, la curtura i las comunicacionis. Tiini la su sé en París i anguañu el su Diretol Heneral es Koichiro Matsuura, de nacionaliá haponesa.

S'eica a guial a los puebrus nuna mehol hestión del su própiu esarrollu a través de los recursus naturalis i los valoris curturalis, cola finaliá d'otenel el mayol provechu possibri de la moelniçación, sin que pol ellu se pierdan la identiá i la divelsiá curtural.

Ena eucáncia, esti olganismu da prioriá al logru de la eucáncia elemental adatá a las neseziais atualis. Colabuta nel holmaeru de docentis, pranificaoris i vivienda, alministraoris eucacionalis i promuevi la costrución d'escuelas i la dotación d'equipu nesezáriu pal su huncionamientu.

Las ativiais curturalis tiinin cumu fin protehel el patrimoñu curtural pol mé el criaeru i la creativiá, i la preservación de las entiais curturalis i traicionis oralis, asín cumu la promoción de los librus i la letura.

En matéria d'enhormación, la Unesco promociona el libri circulaeru de ideas pol meyus audiovisualis, homenta la libertá de prensa i la endependéncia, el pruralismu i la divelsiá de los meyus d¡enhormación, grácias al Pograma Entrinacional pala Promoción de la Comunicación.

Diretoris Heneralis de la Unesco[Edital | Editá'l códigu]

Audrey Azoulay, Diretol de la Unesco dendi 2017
  1. Julian Huxley, Reinu Uniu (19461948);
  2. Jaime Torres Bodet, Méhicu (19481952);
  3. John Wilkinson Taylor, Estaus Uñíus (19521953);
  4. Luther H. Evans, Estaus Uñíus (19531958);
  5. Vittorino Veronese, Itália (19581961);
  6. René Maheu, Fráncia (19611974);
  7. Amadou-Mahtar M'Bow, Senegal (19741987);
  8. Federico Mayor Zaragoza, España (19871999);
  9. Koichiro Matsuura, Hapón (19992009);
  10. Irina Bakowa, Bulgária (2009 - 2017);
  11. Audrey Azoulay Fráncia (2017 - )


Guipai tamién[Edital | Editá'l códigu]

Atihus[Edital | Editá'l códigu]