Uropa Ocidental

Video hechu pola Expedition 29 ena ISS passandu por Uropa Ocidental nel añu 2011

Mapa de Europa Occidental. En verdi escuru según el geoesquema dela ONU, en verdi en general según el concetu tradicional gastau en geopulítica.

Esferas d'influência ena Uropa duranti la Guerra Fria.

Uropa Ocidental es una región o suregión de Uropa, cuya definición dependi del gastaeru, del contestu o del concetu que adoti un determinau organismu. Duranti la época dela Ilustración se creó el concetu de Uropa del Esti o Uropa Oriental, lo que devinu en la creación del concetu de Uropa Ocidental por oposición.

Ogañu, los concetus más relevantis son los seguintis:

Uropa Ocidental en geopulítica

Al terminal la Segunda Guerra Mundial, Uropa queó partia en dos áreas de influência bien definias, en dondi la llamá «cortina de hierru» separó a una Uropa Oriental o «Bloqui del Esti», que queó baxu l'influencia dela Unión Soviética i el Pactu de Varsóvia, duna Uropa Ocidental baxu l'influencia de Estaus Unius i la OTAN (escetu Turquia).

Es de notal que lingüísticamente, en Uropa Ocidental preduminan las luengas indoeuropeas de centum como las luengas romancis, celtas, germánicas i el griegu.

Otrus aspetus

División interna dela ONU

El geoesquema dela ONU dividi a los paísis del mundu d'acordância conun sistema que brinda la identificación duna área geográfica concreta. La su clasificación por tanto ni es coltural ni coincide muchas vezis conas interpretacionis mayoritárias, sirviendo sobre tó pa definicionis estruturalis internas. Uropa Ocidental, una delas 22 subregionis desta división, solo encruia nuevi paísis: Alemaña, Austria, Bélgica, Fráncia, Liechtenstein, Lussemburgu, Mónacu, Paisis Baxus i Suiça.

Limita con Uropa Setentrional, Uropa del Esti i Uropa Meridional.

Véase tamién

• Ocidenti
• Uropa del Esti