Usuario caraba:Plin4
Archivu:Ññp.jpg
== La caldereta estremeña ==
La caldereta estremeña es un pratu tipicu de la codina populal estremeña. Es un pratu d´invielnu. Acotinación bamus a enseñal comu enharetal este tipicu i nutritibu pratu.
CALDERETA ESTREMEÑA
Agredientis: 600 g. de chicha de cabritu lechal, 200 g. de jígau, 1 cebolla menua, 6 dientis d´ahu, 2 vasus de morapiu, 1 vasu de caldu o d´agua, 2 cucharás manteca de cochinu, 1 oha d´aurel, 1/2 guindilla picanti, 2 guindas morronis, 1 vasu d´adeiti goliva, 1 cucharaina pimentón, 1 cuchará de vinagri, Pimienta, Tomillu i Sal.
Comu enharetal:
Escachimondal i ensecal la chicha, jadel ochu cachus i salpimental. La cebolla se curta en tiras finas. Apañal dos dientis d´ahu sin pelal i frítal con´adeiti endentru dun perol, alugu se sacan i s´essapartan pá endispués. Arrebuhal la manteca de cochinu, la cebolla, el cabritu, el jígau, el aurel, el tomillu, el pimentón i la guindilla, i doral. Acontinal echandu el morapiu. En cuanti escomienci el jervol se jadi lo mesmu cone agua, que tendrá qu´estal calienti, echandu poquinu a pocu jata que se jolmi un mohu. Corrihil de sal. Mentris mengua el caldu del perol s´asan los cuatru dientis d´ahu que quean i s´arrehuntan conos antiriolis fritus i se machan nel morteru cone jígau, la pimienta i las guindas morronis. En cuanti se quei una pasta compahta s´aclara cone vinagri i s´aguachina un poquinu, acontinal s´echa nel guisu del cabritu. Acontinal codinandu. Cuandu la chicha esté mullecia se le quita el tomillu i el aurel i se sirvi.
Comienza una discusión con Plin4
Las páginas de discusión son el lugar donde los usuarios pueden debatir acerca de cómo hacer que el contenido de Güiquipeya sea el mejor posible. Inicia una nueva discusión para conectar y colaborar con Plin4. Lo que escribas será visible públicamente.
