Valériu Fracu

Dendi Güiquipeya

Gayu Valériu Fracu (en latín Gaius Valerius Flaccus) hue un pueta latinu, autol de las Argonautica.

Via[Edital | Editá'l códigu]

Pocu es lo que se sabi de la via desti autol, ecetu que compusu el su puema pal 70 ed. C. i que unus venti añus endispués moriria.

Obra[Edital | Editá'l códigu]

L’única obra de la que tenemus enteracionis i conselvamus es Argonauticon, un relatu en velsu épicu que narra la estória de Hasón en cata el vellón dorau, sostribau nel escritu Apolóniu de Roda. L’obra se corta pa metá el libru otavu. Lo mesmu qu’otrus autoris la epoca cumu Síliu Itálicu u Estáciu escrebió l’obra pa celebral la grória el emperaol i alabalu. Nel chascu Valériu Fracu, pa conmemoral pol mé paralelismus, las campañas de pa Britania llevás a cabu pol Vespasianu i las hechas en Herusalén pol su ihu Titu.

Estilu[Edital | Editá'l códigu]

Es representanti del neocrassicismu i precura consiguil una puesia almónica i rímica cumu la crássica, tomandu a Verhíliu cumu muelu, anque se mesturan conas nuevas tendéncias literárias el sigru I. Ansí sobresal el albondosu usiu los colores pol mé la sinonímia, la variación, los desvius i el escesu retólica. Son de méritu las entrospecionis sicolóhicas: Medea, nesti sintiu, es un pressonahi mu laboreau. Los desvius pol espacealsi conas descricionis muestrandu un aparatahi retólicu contrastan contra la lihereza de ciertus passahis, hiziendu una obra desigual.

Abreviaturas[Edital | Editá'l códigu]

L’abreviatura qu’alcibi esti autol es la de V. Fl., dalcuerdu con el católogu el icionáriu Oxford.

Bibliografia[Edital | Editá'l códigu]

  • Bayet, J., Literatura latina, Ariel, Barcelona, 19702.
  • VV. AA., Oxford Latin Dictionary, Oxford, OUP, 1968.