Victor Hugo
Victor-Marie Hugo (Besançon, Fráncia, 26 de hebreru de 1802 – París, 22 de mayu de 1885) hue un pueta, dramaturgu i novelista, considerau pol muchus el mas emportanti los escrebioris románticus en francés.
La su obra es mu variá: novelas, poesias, obras de teatru en versu i en prosa, discursus políticus ena Asamblea Nacional, i una abundanti correspondencia. El conjuntu de lo que á perdurau del su escrebieru (angunas cartas pressonalis huerun destruias voluntariamenti polos sus ejecutoris testamentarius Paul Meurice i Auguste Vacquerie) hue pubricau ena editorial de Jean-Jacques Pauvert i cuenta con casi quarenta millonis de carateris. Hue un escrebiol mu prolíficu. Se levantaba a las 3 la madrugá en vranu pa escrebil i a las 5 en inviernu, hata el mediodia, a vecis hata de pie.