Émilie Simon
Dendi Güiquipeya
Émilie Simon es una compositora, cantora i entrépeti francesa de música eletrónica, autora la banda sonora la pinicla La Marche de l’empereur.
[eital] Biografia
Nació en Montpellier el 17 Húliu el 1978, iha dun enheniéru soniu. Dende chiquina, vencia pol ambienti familial, Émilie escomençó a enteressalsi pola música. Ramaheaba pol conselvatóriu la su ciá, encibicándusi a pocu a pocu cona música jazz i endispués cona eletrónica.
De qu'acabihó los estuyus superioris música contemporana, graba un discu omónimu que resurta galardonau nel 2004 con una victoire de la musique nel andal de «mihol discu eletrónicu.»
Envereá pa los ambientis ibernalis, Émilie emprendi una envestigación de sonis que recuerdan al friu. Nessi envestigaeru, Luc Jacquet contauta cona cantora francesa pa comunicali qu'está alampandu qu’ella realizi la banda sonora la su pinicla-decumental al tentu el pingüinu emperaol La Marche de l’empereur.
Émilie aceuta i essa colabutación supón el gran vencihón la su carrera musical. Nel 2006 alcibi un segundu victoire de la musique nel andal de «música orihinal puna pinicla» i es nominá al prémiu Cesar a la categoria «mehol composición escrebia pa una pinicla.»
[eital] Discografia
- Émilie Simon (2003)
- La Marche de l’empereur (2005)
- Végetal (2006)
- L’Olympia (2007) [Conciertu]
