Francia

Dendi Güiquipeya
(Rederihiu dendi Fráncia)
Sartal a: Güiquipeandu, Landeal
Avissu
Esti endilgui ebi sel revissau por un corretol.
República Francesa
Bandera de Fráncia Escú de Fráncia
Lema nacional: Liberté, Égalité, Fraternité (francés; «Libertá, igualdá i fraternidá»)
Situación de Fráncia
Luengua oficial francés
Capital París
Presidenti François Hollande
Primel Menistru Manuel Valls
Cumprimentu
 - Total
 - % augua
Posición 40ª
675 417 km²
0,26%
Puebración
 - Total (2007)
 - Densidá
Puestu 26º
63 213 894
93,59 ab/km²
PIB
 - Total (2005)
 - PIB/capita
Posición 6ª
2.110.185 millonis e US$
33.918 US$
Monea Euru (€, EUR)
Zona orária
 en veranu
CET (UTC+1)CEST (UTC+2)
Inu La Marsellesa
Domeñu Internet .fr
Código telefónico +33
Biembru de: UU, ONU, OTAN, OCDE, OSCE

Francia (en francés: la France), conocia oficialmenti cumu Repúbrica Francesa (en francés: République française), es un país cuyu territóriu metrupulitanu s'assitia en Uropa Ocidental, peru que amás encluyi regionis, islas i archipiélagus en diversas partis del mundu.

La Fráncia metropolitana hazi arrayu al suloesti con España (623 km) i Andorra (56,6 km), al oesti con el océanu Atlánticu; al norti con el Canal de la Mancha, que la desapartan del Réinu Uniu; al noresti con Bélgica (620 km), Lussembulgu (73 km), Alemaña (451 km) i Suiça (573 km); al esti con Mónacu (4,4 km) e Itália (488 km); i al suresti con el Mari Mediterráneu. En América del sul la Guayana francesa arraya con Brasil (el su mayol arrayu con un pais vecinu: 673 km) i Surinam (510 km). Los francesis se refierin comúnmenti al territóriu metropolitanu comu "l'Hexagone" (l'eságonu) pola su holma geométrica.

La República Francesa es una democrácia organizá cumu repúbrica semiprisidencial. Es un pais albondu desarrollau con la sesta economia mayol el mundu i tamién es una potencia uropea assina cumu mundial. Los sus idealis mas emportantis están plasmaus ena Declaración e los Derechus del Hombri i del Ciadanu.

Etimulogia[eital | edit source]

El nombri del pais Fráncia, quieri izil literalmenti "tierra de los francus", por sel el grupu enológicamenti mas huerti que dessistia enos tiempus que se crió la nación cumu tal, siendo mas característicu qu'el de los galus qu'eran los que puebraran el territori dendi aina.

Francia nel mundu[eital | edit source]

Torri Eiffel

Francia puei considerá-se sin duda nenguna, unu de los paisis con mas pesu nel contestu internacional, por mol de várias razonis:

Es unu los biembrus hundaolis tantu e la Unión Uropea, del qu'es el pais mas cumpriu, comu de las Naciones Unias. Es claru qu'es miembru la Francofonia, del G8 i tamien de la Unión Latina. Es unu de los cincu paisis premanetis nel Conseju de Seguridá de las Nacionis Unias ena que amás tien derechu vetu. Fráncia tamién es una de las ochu potencias nuclearis reconecias nel mundu i unu e los paisis mas enfluyentis nel mundu la cultura i las artis. Nel campu los conocimientus assitia-si entri los paisis cabecera del mundu, siendu la univelsiá parisina de la Sorbona una de las mas antiguas d'Uropa i por muchu tiempu hue unu de los sus referentis culturalis inescusabilis.

Geografia[eital | edit source]

Fráncia dendi el espaciu

Fráncia consta de dos zonas diferentis, dun cantu la Fráncia continental e 551.695 km² i dotru la Fráncia d'ultramar que suma un cumprimentu e 123.722 km². En total 675.417 km², lo qu'arrepresenta el 0,50% delas tierras emergias 'el planeta.

Nel contienti uropeu Fráncia está delimitá tantu polos Pinineus, el mari Mediterráneu, los Alpes, los montis Hura e el riu Rin, asín comu por el mar 'el Norti, el canal e la Mancha i el océanu Atlánticu.

Relievi[eital | edit source]

Hueraparti los Pirineus i los Alpes, dambus al sul, algotrus maciçus montañosus son El Jura (ena frontera con Suiza), las Ardenas, el Maciçu Central i la Cordillera e los Vosgos. El Mont Blanc enus Alpes con 4.808 metrus d'altura es la cumbri más alta d'Uropa occidental. El puntu más baheru 'el pais está nel delta 'el riu Ródanu: –2 m.

El território cuenta tamién con llanuras costeras acia el norti i oesti 'el pais.

Idrugrafia[eital | edit source]

Los rius mas emportantis de Fráncia son, ena vertienti atlántica: Loira, Garona, Dordoña (nel Océanuo Atlánticu), i Sena (nel Canal de la Mancha). Ena vertienti mediterránea el Ródanu (nel Golfu e León), con el su aijeru el Saona. Tamien tien parti de las cuencas de los rius Rin, Mosa, Mosela i Escalda (que desembocan nel Mar 'el Norti). El riu interiol más largeru es el Loira, con más de 1.000 km.

El lagu más cumpriu es el Lemán o Ginebra (582 km²), compartiu con Suiça.

L'irrigación se complementa con una estensa redi de canalis.

Frora i fauna[eital | edit source]

Paláciu e Versailles

Ena Fráncia metropulitana ai 136 espécies d'arbolis, qu'es algu escecional tratandu-si dun pais uropeu. Las espécies vehetalis cultivás pa consumu umanu directu i para la producción agro-industrial ocupan abondu espacius ena superfície francesa.

Se practica una intensiva criança i esplotación de resis, cochinus, ovehas, chivarras y béstias. Tamien abundan espécies mas chicas comu conehus i avis e corral.

La cantidá e venaus i ciervus n'estau salvahi s'está incrementandu por mol de políticas orientás a esi obhetivu, amás se garantiça la proteción delas espécies autóctonas que non sean domésticas, cola creación e parquis i reservas naturalis, asin comu pola reintroducción e espécies que huerun esterminás nel pais comu l'osu pardu, el linci, el bisonti uropeu, el abutri leonau i el quebrantagüesus.

Demugrafia[eital | edit source]

Burdeus

Bordeaux Porte Cailhau.jpg Fráncia posei 63 213 894 abitantis (2005), delos cualis 60 656 178 abitan ena Fráncia metropolitana, es icil uropea (conuna densidá e 114 hab./km²), i 2 557 716 abitan ena Fráncia ultramarina (qu'es americana, africana, oceánica, i asiática). Unus 2000 científicus i investigaoris vivin ena Antártida francesa.

Devisión almenistrativa[eital | edit source]

La Francia metropolitana está deviia en 96 departamentus, agrupaus en 22 regionis. El nombri los departamentus correspondi ena mayoria los casus a un riu o un monti del su territóriu. Ca departamentu tien asignáu un númeru, n'ordin alfabéticu, qu'apaezi por ejemplu enas matrículas los cochis o enos códigus postalis.

Estória[eital | edit source]

Napoleón cruzando los Alpes, obra e Jacques-Louis David.

Los francus eran una tribu germánica, que quiciás hueran originárius de Poloña i que se mudarun pal oesti, enu que ogañu son los Paisis Bajus. A meyaus 'el sigru IV el emperaol romanu Julianu, pa pacifical esas tribus les dió la Galia i los francus s'icorporaun al empériu comu un aliau federau.


Los arrayus que ogañoti tien Fráncia son mu aparecias conas que tenia la antígua Gália, qu'era el territóriu ocupau polos gaulensis d'origin celta, conos que los francus se mezclarun endespues de chegal al territóriu.

La dessisténcia real de Fráncia comuna entidadi desapartá escomienza cola división 'el impériu de Carlo Magnu nuna parti esti i notra oesti. Esi costau esti puedi sel considerau comu el escomienzu d'Alemaña, nu entantu el costau oesti comu Fráncia.

Los sucesoris de Carlo Magnu dirigirun el pais hata 987 quandu Hugu Capetu, Duqui e Fráncia i Condi e París hue coronau Rei e Fráncia. Los sus descendientis, la dinastia 'los Capetus dirihierun Fráncia asta 1789, quandu la Revolución Francesa enstaló una repúbrica.

Con la llegada Napoleón I al pudel, Fráncia se convirtiria nuna verdadera potencia mundial i envadiria tol continenti.

Endespues de vários remuaerus el país llegó al sigru XX comun estáu en transición política constanti, pasandu vezis por diferentis rehimenis políticus. Con el estrumpiu la Segundera Guerra Mundial Alemaña declaró la guerra a Fráncia i envadió el país. Alú de 43 dias de runcha los francesis se rendiron i necesizarun la ayúa los Aliaus pa ahorral-se.

Nostanti, al final e la guerra Fráncia obtuvi l'estatutu de miembru permanenti del Conseju Seguriá de las Nacionis Unias, entré nel club de potencias nuclearis i hue unu e los prencipalis incentivadoris de la Unión Uropea.

Caliá de via[eital | edit source]

Con 80 millonis de turuntus estranjerus al añu, es el destinu mas populal en tol mundu. Hue declaru Mejol País del Mundu pa Vivil pola su alta caliá de via, sus bajus précius en artículus de primera necesiá, las sus güenas infrastucturas, alta tecnoluhia, seguriá cidadana i puderosa economia, los sus ospitalis están entri los mejoris del mundu, el su climi es templau. (siempri siguindu las opinionis de la revista "Living", especializá nestas custionis).

Atijus[eital | edit source]


 
Paisis d'Uropa
LocationEurope.png
Albánia | Alemaña | Andorra | Arménia | Áustria | Azerbaiyán | Bélgica | Bielorrússia | Bósnia Ercegovina | Bulgária | Cazastán | Chipri | Ciá del Vaticanu | Cosovu | Croácia | Dinamarca | Eslováquia | Eslovénia | España | Estónia | Finlándia | Fráncia | Geólgia | Grécia | Irlanda | Islándia | Itália | Letónia | Lístestain | Lituánia | Lussembulgu | Malta | Moldávia | Mónacu | Montenegru | Noruega | Paisis Baxus | Poloña | Portugal | Réinu Uniu | Repúbrica de Macedónia | Repúbrica Checa | Rumania | Rússia | San Marinu | Sérbia | Suécia | Suiça | Turquia | Ucránia | Ungria