Ilranda
Dendi Güiquipeya
 |
|
|
|||||
| Luengua oficial | ingrés, irlandés | ||||
| Capital | Dubín | ||||
| Presindenta | Mary McAleese | ||||
| Primera Menistra | Brian Cowen | ||||
| cumprimentu - Total - % augua |
Posición 117ª 70.273 km² 2% |
||||
| Puebración - Total (2007) - Densidá |
Puestu 122º 4.234.925 57 ab/km² |
||||
| PIB - Total (2005) - PIB/capita |
Posición 50ª 164.190 millonis e US$ 40.610 US$ |
||||
| Moeda | euro | ||||
| Innu | Amhrán na bhFiann | ||||
| Domeñu Internet | .ie | ||||
| Código telefónico | +353 | ||||
| Miembru e: UE, ONU, OTAN, OCDE, OSCE | |||||
Ilranda (Ireland, n'inglés; Éire [ˈeːrʲə], n'ilrandés), es un pais 'el noroeste d'Uropa que horma parti dela Uñón Uropea (UU).
El su territóriu abarca aprosimamenti cincu sestus dela isla d'Ilranda, ena costa 'el noroesti D'Uropa. L'algotru sestu restanti pertenci a Ilranda 'el Norti, una rehión admenistrativa e'l Réinu Uñiu i parti dela província ilrandesa estórica 'el Ulster.
Continius |
[eital] Heografia
L'isla s'asitia al noroesti d'Uropa, haciendu parti 'el archipiélagu británicu.
el comprimentu dela isla es e 84.421 km², delos cualis un 83% (apros. cinci sestus) pertencin a la República (70,280 km²) i el restu constituyin Irlanda 'el Norti. Está arrodeau al oesti porel Océanu Atlánticu, al noresti porel Canal 'el Norti. Al esti se asihada el Mari d'Irlanda el cual ahunta el océanu via suroesti, con el Canal e San Horhe i el Mari Celta. La costa oesti d'Irlanda está hormá ena su mayol parti por repechonis i montañas baheras (el puntu mas cimeru es el Carrauntoohill e 1,041 m). El interiol 'el pais es relativamente chanu, atravesau por tozus comu el riu Shannon i muchus otrus i grandis lagus. El centro 'el pais está bañau en parti porel tozu Shannon, i contieni grandis áreas acenagás, usás pa sacal i producil turba.
Su heografía se ancuentra accidentá polos montis Donegal, Wicklow, Mourne, Mac Gillycuddys Reeks i prencipalmenti por su cumbri mas tarangalla: el Carrantuonhill (1.041 metrus). Amás tieni numerosus lagus entri los que destacan el Neah, el Erne i el Corrib. Los tozus más emportantis son el Shannon, el Blackwater, el Barrow i el Bann. Las costas que arrodean l'isla acostumbran sel mu recortá con fiordus i penínsulas, especialmenti al oesti.
[eital] Clima
Las temperaturas dela zona son muás porel Frenti Atlánticu norti i es relativamenti suavi. Los Vranus son raramenti mu cálius (las temperaturas solu escedin los 30 °C una vez ca 10 añus, inque suelin llegar a los 29 °C muchus Vranus, solu yela ocasionalmenti n'invielnu (temperaturas inferiores a -6 °C no son abitualis). Las precipitacionis son mu comunis, con más e 275 dias e lluvia en muchas partis 'el pais.
[eital] Demogafia
Irlanda es unu delos paisis d'Uropa con la tasa de natalidá más elevá (17‰), i unu delos más altus índices de crecimentu dela puebración (0,5%). Tamién contrasta conel restu d'Uropa por la huventú de la su puebración y el bahu índice de urbaniçación que solu es 'el (58%).
Puebración: 3.878.000 (2002).
Estimación pa el añu 2015: 4.410.000 (2000).
Crecimentu anual estimau pa el 2015: 1,0 % (2000).
Crecimentu urbanu: 1,5 % (2000).
Ihus por muhel: 2,0 (2000).
Las prencipaliss cidais son la capital Dublín ena costana esti, Cork nel sul, Limerick, Galway ena costana oesti, i Waterford ena costana suresti.
[eital] Idioma
Los idiomas oficialis son l'irlandés (Irish) o tamién hucheau Gaélicu, idioma celta nativu, i l'inglés, el cual es descritu constitucionalmenti común idioma oficial secundáriu.
Deprendel irlandés es obrigatóriu ena educación, inqui l'inglés es ampliamenti predominanti. Las señalis públicas son heneralmenti bilingues i desistin tamién medios nacionalis n'irlandés.
La puebración que pertenci a comunidais e palra predominantementi irlandesa (los Gaeltacht) se alcuentra limitá a solu unas decenas de milis de personas en bolsas aislás, prencipalmente acia la costana occidental, comu puedi versi nel mapa. En total se calcula que ai unus 200.000 palrantis nativus e Gaélicu n'Irlanda, prencipalmenti enas zonas ruralis, osea un poquinino más 'el 2% dela puebración dela isla.
Puestu qu'el gobiernu dela República requieri que los residentis estudien l'idioma enas escuelas públicas, muchas personas sabin chascal el irlandés comu segundera luengua. La mayoria dela henti tieni, polo menus, una entendeera heneral dela luengua. Inqui l'idioma prencipal d'Irlanda es l'inglés, a lo luengu dela isla (i especialmenti enus Gaeltachtaí) ai várius periódicus, revistas i radioemisoras disponiblis n'irlandés. Tamién, deendi 1996 ai un canal e televisión ena luengua irlandesa hucheau Teilifís na Gaeilge (Televisión n'Irlandés) o TG4.
Dendi el 1 e Heneru de 2007 el Irlandés es tamién unu delas luenguas oficialis i e labutu ena Uñión Uropea.
[eital] Relihión
La República d'Irlanda es oficialmenti un 92% católica romana, inque s'a produciu un descensu masivu ena asistencia a los servicius relihiosus. Entri 1996 i 2001 l'asistencia regular a misa, previamenti ya en declivi, decayó dun 60 a un 48% (hacia 1973 superaba el 90%) i fechun tos menos dos delos sus seminárius. L'Iglesia fue tamién dañá enus añus 1990 debiu a una serie d'escándalus sesualis i cargus d'encubrimientu contra la su herarquia. En 1995, endispues duna proibición d'alredeol e 60 añus, los votantis decidun gorvel a legaliçal el desapartaeru ena república.
La segundera iglesia cristiana en númeru de adeptus, es la Iglesia d'Irlanda que, tras abel esperimentau un descensu duranti la mayol parti 'el sigru XX, a ganau recientementi celigresis, sigún el censu e 2002, al igual que lo an hechu otras denominacionis cristianas menoris i l'Islam.
Comunidais hudias vivun n'Irlanda duranti l'Edá Meya, i una comunidá sefardí s'asentó en Dublín en 1660.
[eital] Economia
L'economia dela República d'Irlanda es chiquina, modelna i dependienti 'el comerciu, conun crecimientu meyu dun 9% entri 1995 i 2001, siendu por tantu el pais desarrollau con mayol crecimientu 'el PIB. L'agricultura, qu'en tiempus fue el sectol más emportanciosu tieni agora mu poquina emportáncia, compará conla indústria, qu'es la responsabli 'el 38% 'el PIB, cuasi el 80% delas esportacionis i ena que labutan el 28% dela puebración. Inque las esportacionis se mantengan comu el prencipal motol pa el grandi crecimientu dela economia iralndesa, esta tamién s'a beneficiau dun amuentu enus gastus delos consumidoris e duna recuperación ena inversion ena construcción i enus negócius.
A lo largu dela última década el gobiernu irlandés a hechu una serie de programas economicus nacionalis con el pesque de controlar l'inflacción, bahal los tributus, reduzil el porcentahi que tieni l'inversión pública nel PIB, aumental la cualificación dela manu d'obra e promovel l'inversión forita.
Irlanda s'ahuntó a los otrus 11 paisis dela UU nel lançamientu 'el euru en Heneru e 1999. Este prencípiu e gran crecimientu económicu llevó a muchus autoris a hucheal Irlanda comu el Tigri Célticu. L'Econmia sintiu l'impactu dela crisis muncial e 2001, n'especial nel sectol e esportación e alta tecnulohia; la tasa e crecimientu bahó asta cuasi la mitá.
|
|
 |
|---|---|
| Albánia | Alemaña | Andorra | Arménia | Áustria | Azerbaiyán | Bélgica | Bielorrússia | Bósnia Ercegovina | Bulgária | Ciá del Vaticanu | Croácia | Dinamarca | Eslováquia | Eslovénia | España | Estónia | Finlándia | Fráncia | Geórgia | Grécia | Ungria | Ilranda | Islándia | Itália | Cazastán | Letónia | Lístestain | Lituánia | Lussembulgu | Malta | Moldávia | Mónacu | Montenegru | Noruega | Paisis Bajus | Poloña | Portugal | Reinu Uniu | Repúbrica de Macedónia | Repúbrica Checa | Rumania | Rússia | San Marinu | Sérbia | Suécia | Suiça | Turquia | Ucránia | Chipri | |
