Alemaña

Dendi Güiquipeya
Sartal a: Güiquipeandu, Landeal
Repúbrica Federal d'Alemaña
Bandera d'Alemaña Escú d'Alemaña
(En detalli) (En detalli)
Lema nacional: Einigkeit und Recht und Freiheit (alemán; «Unidá, Hustícia i Libertá»)
Asihamientu d'Alemaña
Luenga oficial alemán
Capital Berlín
Presienti Joachim Gauck
Cancillera Angela Merkel
Longol
 - Total
 - % augua
Posición 61ª
357.021 km²
2,41%
Puebración
 - Total (2007)
 - Densidá
Puestu 14º
82.310.000
242 ab/km²
PIB
 - Total (2005)
 - PIB/capita
Posición 5ª
2.605.370 millonis e US$
38.226 US$
Monea Euru (€, EUR)2
Zona orária
 en veranu
CET (UTC+1)3
CEST (UTC+2)3
Inu Das Lied des Deutschen
Domeñu Internet .de
Cóigu telefónicu +45
Biembru de: UE, ONU, OTAN, OCDE, OSCE

La Repúbrica Federal d'Alemaña (Bundesrepublik Deutschland en alemán) es un país d'Uropa. Hazi arrayu al norti con Dinamarca, al esti con Poloña i la Repúbrica Checa, al sul con Áustria i Suiça i al oesti con Francia, Lussemburgu, Bélgica i los Paisis Baxus.

Alemaña senifica «tierra de los alamanis» —no es lo mesmu qu'alemanis—, en referencia a unu de los puebrus bárbarus que cruzun el riu Rin i envadirun la Galia romana duranti el siglu V. Amás d'alemán, está tamien estendiu el usu del gentiliciu germanu, derivau del nombri con que los romanus conocían a la zona i ondi s'alcontraban algotrus puebrus a los cualis se tenia conocencia comu germanus, Germania.

Duranti la mayol parte de la su estória, Alemaña hue un términu geográficu gastau pa desinal un área ocupá por varius Estaus, la huerça de los cualis pretencierun al llamau Sacru Empériu Romanu Germánicu . Alemaña se conviltió en un Estadu uniu duranti 74 añus (1871-1945 -el llamau Empériu alemán, la conocia comu Repúbrica de Weimar i l'Alemaña nazi.), peru hue dividiu al términu de la Segundera Guerra Mundial ena República Federal d'Alemaña (RFA), conocia comu Alemaña Ociental i la Repúbrica Democrática Alemana (RDA), conocia comu Alemaña Oriental. El 3 d'otubri e 1990, la RDA pasó a holmal parti dela RFA, polo qu'Alemaña golvió a sel un Estau unificau.

Geografia[eital | edit source]

Paisahi delos Alpes nel sul de Baviera.

L'Alemaña s'estiendi dende las montañas de los Alpis (el su puntu mas artu es la Zugspitze con 2.962 m) nel sul, hats las costas del mari del Norti i el mari Bálticu. De por meyu, s’estiendin las tierras boscosas, d'Alemaña central i las tierras bajas d'Alemaña del norti (el puntu mas baju es Neuendorfer/Wilstermarsch, con -3,54 m)- Alemaña está trabesá por unu de los mayoris rius d'Uropa, como es el Rin, tamien polos rius Danúbio i Elba.

Flora i fauna[eital | edit source]

Imahin de los Alpes.

Alreol dun 30% del territóriu está hormau por bosquis, la mayoria de los cualis s'alcuentran ena mitá sul del país. Cuasi dos tercius destos bosquis se componin de pinus i otras coníferas, i el restu lo horman especies d'oja cauca, comu l'aya, l'abedul, el robli i el nogal. Los parralis cubrin muchas de las laderas del suloesti del país i tamien s'estiendin a lo largu de los rius Rin, Mosela i Menu. Los güertus son un elementu destacau nel oesti d'Alemaña. La flora es duna gran varieá i vistosiá.

Alemaña tien una fauna pocu variá. Los mamíferus más comunis son ciervu, jabalín, comadrehj, tejón, lobu i dorru. Entri los pocus reptilis está una bicha venenosa, la víbora uropea. Pinçones, ansares i algotras avis migratorias cruçan el país en grandis bandás. Enas áuguas costeras del mari del Norti i del mari Bálticu, s'alcuentran pecis como el arenqui, bacalau i solla, por cuantu que enus rius ai carpas, pecis gatu i truchas comunis.

Climi[eital | edit source]

El climi es por vedis emprevisibli. Nel vranu un dia puei hazel calol i estal solariegu i al dia siguienti friu i chuvioso. E tolas maneras, son estremamenti raras las condicionis climáticas verdaderamenti estremas, mesmu sean sequias, tornaus, tormentas d'arena, friu o calol estremus, etc. Hubun dos inundacionis de grandi escala enos úrtimus añus, peru en general tamien estas son raras. Non ai notícia de rejileras de tierra destrutivas.

Economia[eital | edit source]

Frankfurt del Menu, centru finacieru alemán

Por el desarrollu de la su economia, Alemaña es considerá en télminus generalis comu la tercera nación mas poderosa del mundu i la primera d'Uropa. En 2006 el su Productu interiol brutu (PIB) rebasó los 3 billonis de dólaris. Las sus brazas endustrialis son variás; los tipus prencipalis de produtus fabricaus son meyus de transporti, aparatus eléctricus i electrónicus, maquinária, produtus químicus, materialis sintéticus i alimentus procesaus.

Alemaña es focu de riqueza i essu se reflexa ena crecienti economia del centru d'Uropa. Con una infraestructura de carreteras amplias i un excelenti nivel de via, Alemaña es una de las nacionis mas desarrollás del mundu.

El Deutsche Bundesbank (Bancu central) i el Bancu Central Uropeo (BCU) tienin la su séi central ena ciá de Frankfurt del Menu. En 2006 s'inició la construcción del edificiu del Bancu Central Uropeu.

Organiçación políticu-admenistrativa[eital | edit source]

Imagin del Reichstag, el parlamentu alemán

Alemaña está deviia almenistrativamenti en 16 estaus federalis llamaus Bundesländer (Bundesland en singular). Los Landers tienin personaliá estatal por si mesmus, anque solu la ejercin entri sí i son arrepresentaus danti el estranjeru por el Estau federal. E los diezaseis estaus federaus ai tres (Berlín, Bremen i Hamburgu) que son ciais. Angunus estaus federaus están subdividius en regionis almenistrativas.

A diferéncia del sistema de Comuniais Autónomas español, tolos Länders tienin los mesmus poderis i competencias. Los artículus 70-75 de la Constitución alemana, (Llamada tamien Lei Fudamental pa la Repúbrica Alemana) definin las áreas de competencias que pretencin al Estau federal i las pretenecientis a los Länders. A lo largu de la estória de la Repúbrica Federal Alemana, el Estau federal tendió a asumil ca vedi mas labutus, almitiendu nesti meyu tiempu una mayol participación de los gobiernus de los estaus federaus por mol del Bundesrat. Nostanti, estu provocó un mayol entrevehilu del sistema legislativu i empidió tomal decisionis rápidas, llevandu enclusu a un virtual bloqueu legislativu siempri qu'el partiu d'oposición ena cámara baja del Parlamentu alemán (Bundestag) lograba la huerça de los escañus nel Bundesrat. Huera parti, dendi 2006 s'está tramitandu la llamá ´"Reforma el Federalismu" pa reordenal las competencias del Estau federal i los estaus federaus, quitandu emportancia al Bundesrat i aumentandu los poderis genuinus de los gobiernus regionalis.

Estaus federaus[eital | edit source]

Estadu federau  % S H/km² Capital Mapa
1 Baden-Wurtemberg 10,01 300 Stuttgart
Karte Deutsche Bundesländer (nummeriert).svg
2 Baviera 19,76 177 Múnich
3 Berlín 0,25 3.812 Berlín
4 Brandeburgo 8,26 87 Potsdam
5 Bremen 0,11 1.642 Bremen
6 Amburgu 0,21 2.317 Amburgu
7 Hesse 5,91 288 Wiesbaden
8 Mecklemburgo-Pomerania Occidental 6,49 73 Schwerin
9 Baja Sajonia 13,34 168 Hanóver
10 Renania del Norti-Westfalia 9,55 529 Düsseldorf
11 Renania-Palatinado 5,56 204 Maguncia
12 Sarre 0,72 407 Sarrebruck
13 Sajonia 5,16 231 Dresde
14 Sajonia-Anhalt 5,73 120 Magdeburgo
15 Schleswig-Holstein 4,41 180 Kiel
16 Turingia 4,53 144 Érfurt
% S= % de superfície sobri el total de la superfície d'Alemaña.
H/km²= Se considera el promediu d'abitantis por km².

Partius gobelnantis[eital | edit source]

Escú Estau Presienti del Gobielnu Partiu gobelnanti-
coalición
Escañus nel
Bundesrat
Estensión (qm²) Puebración (milis) Densiá (ab/qm²) Capital
Coat of arms of Baden-Württemberg (lesser).svg (1) Baden-Wurtemberg (al:Baden-Württemberg) Günther Oettinger (CDU) CDU/FDP 6 35.752 10.717 300 Stuttgart
Bayern Wappen.svg (2) Baviera (al:Bayern) Günter Beckstein (CSU) CSU 6 70.549 12.444 176 Múnich
Coat of arms of Berlin.svg (3) Berlín Klaus Wowereit (SPD) SPD/Linkspartei 4 892 3.388 3.798 -
Brandenburg Wappen.svg (4) Brandenburgo (al: Brandenburg) Matthias Platzeck (SPD) SPD/CDU 4 29.478 2.568 87 Potsdam
Bremen Wappen(Mittel).svg (5) Bremen Jens Böhrnsen (SPD) SPD/Verdes 3 404 0,663 1.641 Bremen
Coat of arms of Hamburg.svg (6) Amburgu (al: Hamburg) Ole von Beust (CDU) CDU/Verdes 3 755 1.735 2.298 -
Coat of arms of Hesse.svg (7) Hesse (al:Hessen) Roland Koch (CDU) CDU 5 21.115 6.089 288 Wiesbaden
Coat of arms of Mecklenburg-Western Pomerania (great).svg (8) Mecklemburgo-Pomerania Occidental (al:Mecklenburg-Vorpommern) Harald Ringstorff (SPD) SPD/CDU 3 23.179 1.720 74 Schwerin
Coat of arms of Lower Saxony.svg (9) Baja Sajonia (al:Niedersachsen) Christian Wulff (CDU) CDU/FDP 6 47.620 8.001 168 Hanóver
Coat of arms of North Rhine-Westfalia.svg (10) Renania del Norte-Westfalia (al:Nordrhein-Westfalen) Jürgen Rüttgers (CDU) CDU/FDP 6 34.084 18.075 530 Düsseldorf
Coat of arms of Rhineland-Palatinate.svg (11) Renania-Palatinado (al:Rheinland-Pfalz) Kurt Beck (SPD) SPD 4 19.853 4.061 205 Maguncia
Wappen des Saarlands.svg (12) Sarre (al:Saarland) Annegret Kramp-Karrenbauer (CDU) CDU/SPD 3 2.569 1.056 411 Saarbrücken
Coat of arms of Saxony.svg (13) Sajonia (al:Sachsen) Stanislaw Tillich (CDU) CDU/SPD 4 18.415 4.296 233 Dresde
Wappen Sachsen-Anhalt.svg (14) Sajonia-Anhalt (al:Sachsen-Anhalt) Wolfgang Böhmer (CDU) CDU/SPD 4 20.446 2.494 122 Magdeburgo
Coat of arms of Schleswig-Holstein.svg (15) Schleswig-Holstein Peter Harry Carstensen (CDU) CDU/SPD 4 15.763 2.829 179 Kiel
Coat of arms of Thuringia.svg (16) Turingia (al:Thüringen) Dieter Althaus (CDU) CDU 4 16.172 2.355 146 Erfurt
Coat of arms of Germany.svg República Federal d'Alemaña Angela Merkel (CDU) CDU/SPD 69 357.046 82.501 231 Berlín

Alemaña ena Union Uropea[eital | edit source]

Nel Parlamentu de la Union Uropea, Alemaña tien la arrepresentación mas alabadá por mol de sel el país mas apobrau de la Union. Amás, el alemán Günter Verheugen es, ogañu, unu delos vice-presidentis de la Comisión Uropea.

Deportis[eital | edit source]

El Allianz Arena en Munich es unu de los mas grandis estadius de fubu. Aqui se hizu la ceremónia d'apertura del Campeonatu Mundial en 2006.

La Federación Alemana d'eportis (DSB) cuenta con cerca de 27 millonis e miembrus. Según datus d'esta organización, aprossimamenti la tercera parti de la puebración del país realiza la práctica deportiva por meyu dun club o asociación alguna de las cerca de 127.000 instalacionis de carátel deportivu qu'essistin nel territóriu.

Dendi los últimus años, la DSB a veniu incrementandu los sus recursus destinaus al deporti paralímpicu.

La participación d'Alemaña enus Juegos Olímpicus á siu una de las más destacás dendi que se realiza esti eventu. El país organizó los Juegus Olímpicus de Vranu en 1936 i en 1972 Alemaña Ociental hizu lo propriu.

La Federación Alemana de Fubu (DFB) cuenta con mas de 26.000 clubis, totalizandu 6 millonis de miembrus, la membresía mas grandi de cualesquiel federación deportiva nel mundu. El arraigu desti deporti a hechu que la Selección de fubu d'Alemaña aiga conseguiu tres títulus mundialis (en 1954, 1974 i 1990). Desta manera tamién el país hue séi de los campeonatus mundialis de 1974 i 2006.

 
Paisis d'Uropa
LocationEurope.png
Albánia | Alemaña | Andorra | Arménia | Áustria | Azerbaiyán | Bélgica | Bielorrússia | Bósnia Ercegovina | Bulgária | Cazastán | Chipri | Ciá del Vaticanu | Cosovu | Croácia | Dinamarca | Eslováquia | Eslovénia | España | Estónia | Finlándia | Fráncia | Geólgia | Grécia | Irlanda | Islándia | Itália | Letónia | Lístestain | Lituánia | Lussembulgu | Malta | Moldávia | Mónacu | Montenegru | Noruega | Paisis Baxus | Poloña | Portugal | Réinu Uniu | Repúbrica de Macedónia | Repúbrica Checa | Rumania | Rússia | San Marinu | Sérbia | Suécia | Suiça | Turquia | Ucránia | Ungria