Dinamarca
Dendi Güiquipeya
 |
|
|
|||||
| Lengua oficial | danés | ||||
| Capital | Copenage | ||||
| Reina | Margarita II | ||||
| Primel Menistru | Lars Løkke Rasmussen | ||||
| Longol - Total - % augua |
Posición 130ª 43.094 km² 1,6% |
||||
| Puebración - Total (2007) - Densidá |
Puestu 104º 5.447.084 242 ab/km² |
||||
| PIB - Total (2005) - PIB/capita |
Posición 36ª 254.401 millonis e US$ 36.549 US$ |
||||
| Moeda | Corona danesa | ||||
| Zona orária en veranu |
CET (UTC+1)3 CEST (UTC+2)3 |
||||
| Innu | Der er et Yndigt land | ||||
| Domeñu Internet | .dk | ||||
| Código telefónico | +45 | ||||
| Miembru e: UE, ONU, OTAN, OCDE, OSCE | |||||
Dinamarca, oficialmenti Reiñu e Dinamarca (en danés Kongeriget Danmark), el su significau literal es "la tierra o marca delos danesis", es el mas chicu en estensión d'entri los paísis nórdicus i tamién el más meridional. Dinamarca horma parti d'Escandinavia i sólu tieni frontera terrestri con Alemaña. Dendi 1999 está unia por carretera i ferrocarril con Suécia por la Puenti e Oresund al sudesti i limita al norti con Noruega. Dinamarca cuenta con dos territórius d'ultramar o territórius dependientis, Groenlándia i las Ilas Feroe, que disfrutan dun elevau nivel d'autonomia.
Continius |
[eital] Etimoluhia
El nombri e Dinamarca procedi dela marca o zona fronteriça que desapartaba el Impériu Carolingiu (sigrus VIII i IX) delos reiñus danesis asihadaus en Jutándia, i chamá por ellus Danmark, estu es: "la marca e los danesis".
[eital] Heugrafia
La península e Jutlándia s'estiendi unus 300 km dende la frontera alemana con Schleswig-Holstein hacia el norti. La su costa oesti está protehia pol dunas i bancus d'arena delas tempestadis nel mar 'el Norti. Las 443 ilas s'asihadan nel mar Bálticu que horma tamién la frontera esti de Jutlándia. Sólu 76 destas ilas están abitás. L'altura meya e Dinamarca es namás que 31 m por encima 'el nivel 'el mar.
El paisahi danés hue formau en gran parti polos glaciaris que cubrían por completu esta zona. Enas ias i venias e las masas e yelu s'acumularun colinas e material arenosu. Ogañu un cinturón d'estas colinas desaparta el esti 'el oesti e Jutlándia.
Al esti e Jutlándia, desapartá porel estrechu 'el "pequeñu cintu" e Belt, s'encuentra la ila Fionia i nel su cantu suresti sigui l'ila de Langeland ("tierra larga"), argu más chica.
Más allá 'el "gran cinturón", Storebælt en danés, se halla l'ila e Selandia con la capital Copenage. Al esti, al suresti e Suécia en meyu 'el Bálticu, s'encuentra l'ila granítica e Bornholm entri Polónia al sul i Suécia al noroesti. Groenlándia i las ilas Feroe son rehionis autónomas de Dinamarca.
[eital] Clima
El clima e Dinamarca está marcau pola situación norteña i la corrienti 'el golfu. A menudo soplan cheirus moderaus a huertis 'el oesti. Los veranus son frescus i los inviernus cálidus. Ai suficientis chivias duranti tol añu.
[eital] Flora
La vehetación autóctona está formá por bosquis d'árbolis con oha caduca. Enas reforestacionis estus están desapartaus cada vezi más por coníferas i abetus. La mayol parti e los bosquis s'utiliça comu protección contra los cherus i pa evital la pérdia e tierra i arena porel cantu 'el mar 'el norti.
[eital] Fauna
Ahueraparti e ciervus i venaus no se han conservau animalis mayoris enos bosquis e Dinamarca. Nostanti ai una fauna importanti y variá d'aves. La contaminación ambiental es la prencipal amenaça pa la fauna danesa enas zonas acuáticas cerca delas costas i enus lagus i rius 'el interiol.
[eital] Organiçación políticu-admenistrativa
[eital] El pudel en Dinamarca
En 1849, Dinamarca pasó a sel una monarquia constitucional con l'adoción duna nueva constitución. El monarca es forlamenti el hefe 'el Estau, peru ese papel es puramenti ceremonial.
El pudel ehecutivu es eherciu polos menistrus, siendu el primel menistru solu el "primeru entri igualis" (primus inter pares). El pudel lehislativu está investiu nel parlamentu, conociu como Folketing, que consisti en 179 miembrus.
Los tribunalis e Dinamarca son fucionalis i admenistrativamente independietis 'elos poderis ehecutivu i lehislativu.
Las elecionis para el parlamentu tienin lugal ca cuatru añus, peru o primel menistru puedi convocal elecionis antecipadas.
[eital] Divisionis almenistrativas
Dendi el 1 e heneru e 2007, Dinamarca está dividia en 5 rehionis (regioner) i 98 comunas (kommuner) o municipius. Las cincu rehionis esistentis son:
- Region Hovedstaden 29 comunas
- Region Nordjylland 11 comunas
- Region Midtjylland 19 comunas
- Region Sjælland 17 comunas
- Region Syddanmark 22 comunas
[eital] Econumia
La muerna economía e mercau de Dinamarca permiti qu'exista una agricultura d'alta tecnolohia, unus altus nivelis de bienestar, una moeda establi i una alta dependéncia delos mercaus esterioris. Dinamarca es un esportador netu e produtus alimentárius i enerhía i tienin una balança e pagus positiva.
Un 75% e los labutantis danesis pertenci a argún sindicatu dentru dela Confederación Danesa e Sindicatus. Las relacionis entri los sindicatus i la patronal son e cooperación. Los convenius laboralis que fihan los orárius e labutu i los salárius se negocian entri la patronal i los sindicatus, con una mínima implicación 'el gobiernu.
El gobiernu a siu escapaz d'igual o superal los criterius económicus e converhencia nezesárius pa entral ena unión económica i monetária dela Unión Uropea. Nostanti, Dinamarca, nun referéndum que hizun en setiembri e 2000, dijun de no adoptal l'euro comu moeda.
|
|
 |
|---|---|
| Albánia | Alemaña | Andorra | Arménia | Áustria | Azerbaiyán | Bélgica | Bielorrússia | Bósnia Ercegovina | Bulgária | Ciá del Vaticanu | Croácia | Dinamarca | Eslováquia | Eslovénia | España | Estónia | Finlándia | Fráncia | Geórgia | Grécia | Ungria | Ilranda | Islándia | Itália | Cazastán | Letónia | Lístestain | Lituánia | Lussembulgu | Malta | Moldávia | Mónacu | Montenegru | Noruega | Paisis Bajus | Poloña | Portugal | Reinu Uniu | Repúbrica de Macedónia | Repúbrica Checa | Rumania | Rússia | San Marinu | Sérbia | Suécia | Suiça | Turquia | Ucránia | Chipri | |
