Bent

Dendi Güiquipeya

Los Bent [ˈbent] (en ingrés "Abangau") son una banda ingresa música eletrónica.

Via[Edital | Editá'l códigu]

Los Bent son un duu de Nottingham compuestu pol Neil “Nail” Tolliday i Simon Mills. El ajuntamientu nació a finalis los 90 i escomençó a sel conociu polas sus arriscás mesturas que partian de la su coleción privá grabacionis.

El discu con que s’estrenarun nel panorama musical hue Programmed to love, nel 2000, nel sellu Ministry of Sound. Tuvu mu güena crítica, huendu unus los grupus que le pegarun un vencijón a la música chillout qu’escomenençaba a opulal endispués. Nel sobresal el tema Always que cuentó con un emportanti númiru remesclas, unas las pieças hundamentalis el estilu eno que va de sigru. El discu salió nel mercau uropeu primeru i nel americanu un añu dispués, variandu la lista temas.

Tres añus endispués espubricarun The everlasting blink, tamién siguiendu con el estilu ambiental el primel discu ena compañia Guidance Recordings.

Al sotru añu sacarun Ariels un discu sumamenti cudiau, andi se le dan mas protagonismu a la vozi i a la estrumentación acústica. Estrumentus comu arpas, frautas, violinis u violonchelus s’almonizan conos samplers i la pogramación eletrónica. Nel se cuenta conas participación vocal de Katty Heath en sublimis sonis comu los de Now I must remember u los de Sian Evans u Rachel Foster.

Nel 2006 en Godlike & Electronic Records Amato espubrican Intercept!.

El estilu desti duu se muevi ena eletrónica, anque los sonis delicaus i las amósferas ambientalis les llevan al chillout, ahilandu en ves en quandu al house i al dance. Muchas de sus músicas huerun bandas sonoras pubricitárias comu Private road, Invisible pedestrian u Silent life en marcas comercialis refrescus i bibias alcólicas.

Miembrus[Edital | Editá'l códigu]

  • Simon Mills: compositol, produtol, engenieru, pogramaol.
  • Neil Tolliday: compositol, produtol, engenieru, pogramaol.

Discografia[Edital | Editá'l códigu]

Discus estuyu[Edital | Editá'l códigu]

  • Programmed to love (2000).
  • The everlasting blink (2003).
  • Ariels (2004).
  • Intercept! (2006).

Otrus proyeutus[Edital | Editá'l códigu]

  • Downloaded for love (2002).
  • Fabric live 11 (DJ Mix Album) (2003)
  • Flavour country EP (2004)
  • Later (DJ Mix album) (2005)
  • The art of chill 5 - Mixed by Bent 2CD (2008)

Atijus[Edital | Editá'l códigu]