Charles Darwin
Dendi Güiquipeya
Charles Robert Darwin (12 e febreru e 1809 — 19 e abril de 1882) hue un naturalista ingrés. Es más famosu pola su prepuesta e la teoría de la Volución. Esta teoría idi que tolas crasis d'organismus vivus ahorran endi un acestru común. Idi que la horma ena que esus balaguerus e organismus chambun hue pol seleción natural de la su horma física, unus s'adotun mehol c'algotrus i prevalecin. Tamién idi c'angunus organismus s'adatan mehol pol mé las mutacionis (chambus enos henis). Pol mé c'angunas deferéncias puén hadel a un organismu tenel más ésitu, tendrá más oportuniais pa sobrivivil i pasará los sus henis a las huturas heneracionis. Cualisquiel deferéncia que hidiera qu'el organismu tuviesi menus posibiliais de sobrivivil, sedrá más enteosu que trasmita la mutación i espenará aína.
Caviló la su teoría pol primel vedi en 1838. Pa los estoriaoris, que nu palró al tentu la su teoría polque estaba acagazau de que la henti nu la petasi, pus la su teoría estaba a la escontra dangunas custionis relihiosas. Asín que nu l'espubricó nun libru hata 1859, deque ascuchó c'algotru centíficu, Alfred Wallace, tuvu las mesmas ideas. Wallace estaba a espubrical las sus ideas. Asínque Darwin las espubricó el primel lugal. Hucheó al su libru Al tentu el orihin de las aspecis pol mé la Seleción Natural, u La prehervación de las razas favorecías ena runcha pola vía. Tamién hucheasi Los oríhenis de las aspecis.
