Cristóbal Colón

Dendi Güiquipeya

Cristóbal Colón hue un comelcianti i esproraol. Tuvu nacéncia en 1451 i espenó el 20 e mayu e 1506 en Vallaolí. Se le hucheó cumu el primel uropeu en atopal las Américas, inque sabemus agora que los viquingus llegun denantis.

Colón viahó pol Océnanu Alánticu polque diba en cata e una acortaúra, más segura pala China i la Índia. Quería mercal espécis i oru pal Rei i la Réina d'España: Isabel i Fernandu (los Reyis Católicus). Sabía qu'el mundu era cerculal peru nu lo cuántu pahu grandi era. Iba oyíu que Marcu Polu iba atopau un mal pal esti e China i pa él qu'ebía sel el mesmu qu'el del oesti d'Uropa. Nu tenía conocéncia al tentu el Océanu Pacíficu ni las Américas ni e qu'el Océanu Alánticu nu ahilasi pa China.

Deque s'atopó con angunas islas al acaberu el su viahi, pa él qu'iba llegau pa las Índias. Pol mé destu es polo que se huchea a la henti que vivía allí "índius", lo cual hue acetau p'aquellus que vivían enas Índias peru nu nesedáriaenti en Índia. Pus Índia estaba asiahá en Ásia, Colón, supiendu que nu iba llegau pa Índia, supusu qu'estaba en Malaysia u Indonésia, qu'eran parti e las Índias. Afinal, hidu cuatru viahis p'América.

Colómbia hue hucheá nel su onol.

[eital] Oríhenis de Cristóbal Colón

Acontinamus sin estal sigurus al tentu l'ientiá de Colón. Pa muchus que tuvu nacéncia en Hénova. Ain prebas estuyás al tentu el su orihin, peru nu s'án atopau rispuestas finalis.