Cuba

Cuba

Luenga oficial	Castellanu
Capital	L'Avana
Presienti	Raúl Castro
Vicepresidenti	José Ramón Machado Ventura
Cumprimentu  - Total  - 0,3% augua	Posición 105ª 110.860 km²
Puebración  - Total (2007)  - Densiá	Puestu 71º 11.451.652 103 ab/km²
PIB  - Total (2005)  - PIB/capita	Posición 86ª 45.510 millonis e US$
Monea	Peso Cubanu
Inu	Himno de Bayamo
Domiñu Internet	.cu
Cóigu telefónicu	+53
Miembru de: ALADI, ALBA, G77, NOAL, ONU, OEI, AEC, Grupo de Río.

Cuba es un país insulal nel Mari Caribi. Está hormá pola Isla de Cuba, la Isla de la Juventud i pol islas mas chiquininas. Dendi 1959, es un estau socialista. Territorialmenti está deviia en 14 províncias, 169 monicípius i el Municipio Especial Isla de la Juventud.

Origen del su nombri

No se tien conocéncia al tentu el origin del nombri Cuba. Ain destintas teorias, una de las cualis izi qu'el nombri provien dun télminu taínu que senifica ondi la tierra fértil abunda o tamien otra teoria izi que provien de dos parabras arhuacanas: «coa» (lugal, tierra, terrenu) i «bana» (grandi).

Geografia

Cuba es un archipiélagu constituiu por la mayol isla de las Antillas hucheá Cuba, la Isla de la Juventú (enantis hucheá Isla de Pinus), i otras 4195 islas chiquininas. Está assitiá nel mari de las Antillas (o mari Caribi), cerca de la costa de los Estaus Unius i Méjicu. Los sus arrayus son al norti con el Estrechu de la Florida, al esti con el Pasu de los Vientus, al sul con el mari Caribi i el oesti con el golfu de Méjicu.

Posei una superficii de 110.860 quilómetrus cuadraus.

Climi

Generalmenti tien temperaturas altas. Los valoris meyus anualis van dendi los 24 °C enas llanuras, hata 34 °C i mas enas costas orientalis, arcançandu-se manitudis enferioris a 20 °C. enas partis mas altas de la Sierra Maestra.

La tempurá de noviembri a abril es menus calurosa i se conoci como invielnu, mentris que los mesis de mayu a otubri, mas calurosus, recibin el nombri de vranu. Las temperaturas máissimas i ménimas asolutas registrás son de 38,8 °C (Jucarito, Granma el 17 abril de 1999) i 0,6 °C (Bainoa, 18 hebreru de 1996). Comu es típicu enos climis tropicalis, la variacion diaria de la temperatura es mayol que l'anual.

La umedá relativa meya es alta, con promeyus cercanos al 90 por cientu. Los máissimus diarius, generalmenti superioris al 95 por cientu, passan a la salia del sol, mentris que los ménimus desciendin, al meyudia, hata 50-60 por cientu nel enteriol del territoriu. Las zonas mas úmedas son las regionis ociental i central, juntu conos prencipalis núcleus montañosus. El efetu de l'arta umedá relativa, otorga al archipiélagu cubanu una entensa sensacion de bocholnu duranti gran parti del añu.

Atijus

• En Wikimedia Commons ai conteniu multimedia a tentu de Cuba.