La Meca

Dendi Güiquipeya

La Meca (en árabi مكة المكرمة Makka al-Mukarrama o simplementi Makka) es la prencipal ciá la región del Hiyaz, ena atual Arabia Saudita, i una de las mas emportantis la península d'Arabia. Está assitiá al oesti la península i cuenta con 1.294.167 abitantis (censu de 2004), assitiá nun estrechu valli, a 277 m sobri el nivel del mari, está a 80 km del Mari Colorau.

Es una las ciais santas pa los musulmanis, ya que Mahoma tuvu nacéncia allí (enantis d'estu ya era una ciá santa, con albondu lugaris religiosus). La peregrinación a La Meca es unu los pilaris básicus de la religión musulmana. Los criyentis ebin realizal-la al menus una vezi ena su via.