Míkro
Los Míkro (en griegu Μίκρο) son una banda griega de música eletrónica.
Biografia[Edital | Editá'l códigu]
El nombri Míkro es un enverihamientu la uniá métrica que se gasta en enholmática, microbyte. La banda tien su asiahamientu en Tessalónica, Grécia.
Los Míkro escomençarun a gaspaleal ena décaa los 90, epoca ena que la escena rock era especialmenti populal. Níkos Bitzénis (Νίκος Μπιζένης) escomençó a esprimental hunta Yánnis Lefkadítis (Γιάννης Λευκαδίτης) colos rimus eletrónicus, desarrollandu las enfruéncias el electro-pop los 80 cumu Depeche Mode, New Order, Erasure i Duran Duran.
Al prencípiu s’apellarun gradualmenti tamién Pános Tólios (Πάνος Τόλιος) a la bateria, conociu tamién de los Ksylina spathia i Yórgos Kostópoulos (Γιώργος Κωστόπουλος) al bahu. Deferentis vocis femininas huerun prebás pol grupu, como Iléktra Dimitriádou (Ηλέκτρα Δημητριάδου) i Elíza Patsalídou (Ελίζα Πατσαλίδου), hata la úrtima seleición rescrecienti de Véria, Ría Mazíni (Ρία Μαζίνη).
En Eneru el 1998 pusun en cerculación el EP Σταγόνες que petó albondu enos arrádius i enos clus griegus.
Endispués de bel sacau la canción Άσπρη σοκολάτα en Setiembri el 1999, Pános i Yórgos albandonan el grupu revezándulus Stélios Emmanouilídis (Στέλιος Εμμανουηλίδης), que s’encarga el labutu DJ.
Endispués llegarun cincu discus: Το τέλος του κόσμου, E-mail (banda sonora la pinicla Μάρκου Χολέβα), Tronik*πλάσμα, 180 Μοίρες i Restart.
Nel 2004 espubricarun el recopilatóriu Only the Best.
En mayu el 2006 espubricarun en holmatu mp3 una coleición remesturas con viehas cancionis griegas.
Miembrus[Edital | Editá'l códigu]
- Νίκος Μπιτζένης: pogramación, loops, sintetizaoris, vozis.
- Ρία Μαζίνη: vozis, sintetizaoris.
- Γιάννης Λευκαδίτης: quitarras.
- Στέλιος Εμμανουηλίδης: sintetizaoris, loops, scratchs.
Discografia[Edital | Editá'l códigu]
- Το τέλος του κόσμου, 1999.
- E-mail, 2001.
- Tronik*πλάσμα, 2003.
- Only the Best, 2004.
- 180 μοίρες, 2004.
- Restart, 2007.