Vicente Barrantes Moreno

Esti artícalu no tien huentis ni referencias Los conteníus duosus debin sel corretamenti atijaus pa demuestral que no se trata de vestigacionis primarias.

Vicente Barrantes
Enhormación pressonal
Nacencia	24 de marzo de 1829 Badajoz (España)
Muerti	17 de octubre de 1898 Pozuelo de Alarcón (España)
Nacionalidá	Española
Enhormación profissional
Oficiu	Poeta, escrevienti y políticu
Cargus acupaus	Deputau d'España Senador de España
Género	Poesia

Vicente Barrantes Moreno (Badajós, 1829 - † 1898 Pozuelo de Alarcón, Mairil) hue un pueta i bibliófilu estremeñu.

Biografía

Estudió nel semináriu la su ciá natal, pero pol espenaeru el pairi en 1841 si vio obrigau a ponel-se a trebajal. Autodidata sin títulus acaémicus, llegó a posseyel una formidabri erudicion qu’apricó sobritó a las cosas la su tierra estremeña.

Dende 1848 residió en Mairil dedicau al periodismu, a la poesia i a los estúdius estóricus i bibliográficus. El su primel artículu apareció en 1847 nel El Guadiana de Badajós. Redató por sí própiu la revista satírica Las Píldoras, que no tardó en sel atarugá pol Gobiernu. Las sus mejoris corónicas periodísticas aparecierun en La ilustración española, Las Novedades, El Semanario Pintoresco Español, La ilustración Católica, Los niños i El mundo ilustrado. Gastó várius seudónimus comu Publicio, Abate Cascarrabias —pa prensa— i Modesto Infante, Bachiller Clarín Brocado o Barvic —pa librus—.

Hue coronista oficial d’Estremaura i adenunció el arrepañaeru i estróciu el patrimoñu artísticu i morumental estremeñu prevocau pola Desamortizacion de Mendizábal.

En 1875 espubricó Días sin sol, la su primel obra literária, cuyu saineti Idilio de última hora es el primel testu del que se tini conocéncia nel que se hazi usu la fala estremeña.

Nel primel gobiernu d’Antonio Cánovas del Castillo hue nombrau Diretol General l’Almenistracion en Hilipinas. Nellas acuparia el restu los su dias a la espanizacion el archipiélagu. La su esperéncia conas hormas teatralis autóctunas le conduju al escrevieru de Teatro tagalo. Otras obras, d’ideologia colonialista huerun conpuestas por él ena su estáncia polas Hilipinas.

Amás, hue consejeru d’estrución púbrica i acaémicu la Estória (1872) i la Luenga (1876), deputau a Cortis i senaol por Caçris enas legislaturas 1891-1893 i 1896-1898.

Obras

Poesia

• Baladas españolas, 1853, 18652.
• Días sin sol , 1875.
• Epistola religiosa y social dirigida al... Fr. Zeferino González, Baajós, 1873.
• San Pedro de Alcántara: cristiano romance en que se refiere la vida y virtudes del extático varon, Mairil, 1880.
• España vencedora: poesía, Mairil, 1860.

Narrativa

• Juan de Padilla Mairil, (1856)
• Siempre tarde, Mairil, 1852.
• La viuda de Padilla Mairil, 1857.
• Narraciones extremeñas Mairil, 1873.
• Cuentos y leyendas Mairil, 1875.
• El veinteicuatro de Córdoba narración popular Córdova, 1859.

Teatru

• Con Cándido Barrios, Laura de Monroy, o Los dos maestres Mairil, 1850.

Sobri Estremaúra

• Catálogo razonado y crítico de los libros, memorias y papeles, impresos y manuscritos, que tratan de las provincias de Extremadura, así tocante a su historia, religión y geografía, como a sus antigüedades, nobleza y hombres célebres, Mairil, 1863, 1865.
• Aparato bibliográfico para la Historia de Extremadura, Mairil, 1875-1877, 3 vols.
• Índice de la Biblioteca extremeña Mairil, 1881.
• Barros emeritenses: estudio sobre los restos de cerámica romana: que suelen hallarse en las ruinas de Mérida Mairil, 1877.
• Las Jurdes y sus leyendas: conferencia leída en la Sociedad Geográfica de Madrid la noche del 1o de julio de 1890 Mairil, 1891.
• Nota final sobre Las Jurdes, 1893.
• La Virgen de Guadalupe y las mujeres extremeñas Baajós.

Sobri Hilipinas

• La instrucción primaria en Filipinas de 1586 a 1868 .
• Apuntes interesantes sobre las Islas Filipinas que pueden ser útiles para hacer las reformas convenientes y productivas para el país y para la nación escritos por un español de larga experiencia en el país y amante del progreso Mairil, 1869.
• El teatro tagalo Mairil, 1889.
• Guerras piráticas de Filipinas: contra mindanaos y joloanos Mairil, 1878.

Otrus ensayus i escritus

• La joven España: folleto dedicado á la Asamblea Constituyente Mairil, 1854.
• Viaje electoral, hecho con la bolsa a cuestas y el cuerpo molido á palos, por Barvic á los infiernos del sufragio universal Mairil, 1872.
• Plutarco de los niños: libro de lectura para las escuelas de instrucción primaria, Mairil, 1857.
• Discurso leído ante la Academia de la historia en su pública instalación en la casa del nuevo legado por el Excmo. Sr. Vicente Barrantes... el día 21 de junio de 1874 Madril, Academia de la Historia, 1874.
• La línea recta: carta a S.A. el Regente de España Mairil, 1869.
• Cursos seguidos en la Universidad de la Vida Mairil, 1867.

Referencias

• Datos: Q335505
• Multimedia: Vicente Barrantes / Q335505
• Textos: Autor:Vicente Barrantes