Yann Tiersen

Dendi Güiquipeya
Sartal a: Güiquipeandu, Landeal
Yann Tiersen al violín

Yann Tiersen es un músicu multistrumentista francés, utol la banda sonora la penícula Le fabuleux destin d’Amélie Poulain.

Biografia[eital | edit source]

Tuvu nacéncia el 23 Júliu de 1970 en Brest (Fráncia). De nuevu estudió en várius conselvatórius enas ciais de Rennes, Nantes i Boulogne. Bichó violín i pianu i mas tardinu conposicion, enanchandu el su repertóriu estrumental tamien al alcordión, el toy piano i la quitarra elétrica. La sus enfruéncias quandu nuevu huerun mas que ná el rock, la chanson i la música crássica, los tres pontonis enos que se sostriba la su música.

Trebajus[eital | edit source]

En 1995 espubricó el su primel trebaju totalmenti estrumental entitulau La valse des monstres. Un añu mas tardi espubrica La rue des cascades, discu esti andi enclui el tema omónimu cona vozi la cantora Claire Pichet, pista central la penicla La vie revée des anges, de Erick Zonca.

Tiersen en conciertu, 2005.

Mas tardi esprimentó cona música junta várius grupus musicalis, destacandu el discu Bästard, cuyu es la banda omónima. En 1998 espubrica Le phare en el que cuentó cona colaboracion del anombrau cantanti Dominique A, recebiendu escelentis críticas.

Un añu mas tardi espubricó Tout es calme i Black session enos que colaboran bandas de rock. En 2001 espubrica unu de los sus discus mas laboreaus, L’Absente, ondi participan numerosus artistas. Tamien del 2001 es la banda sonora la penicla el cineasta galu Jean-Pierre Jeunet Le fabuleux destin d’Amélie Poulain, discu que le dio el vencijón a la nombreria internacional.

En 2002 en hormatu de diretu espubrica un discu recopilatóriu entitulau C’était ici. Pa la penicla Good bye, Lenin! conpón tamien la su banda sonora original nel 2002. En 2005 espubrica material nuevu nel discu entitulau Les retrouvailles. Apellau a esti trebaju le siguió un DVD con el títulu de La traversée. En 2006 espubrica un nuevu diretu, On Tour.

En 2008 saca la banda sonora la penicla-decumental Tabarly, andi el piano se has protagonista.

El passau añu 2010 espubrica el discu Dust lane, ande las pieças s'alargan i el estilu mua en un ton mas esprimental.

Discografia[eital | edit source]

  • La valse des monstres, 1995.
  • Rue des cascades, 1996.
  • Le phare, 1998.
  • Tout est calme, 1999.
  • Black session, 1999.
  • L'absente, 2001.
  • Le fabuleux destin d'Amélie Poulain, 2001.
  • C'etait ici, 2002.
  • Good bye, Lenin! (BSO), 2003.
  • Yann Tiersen & Shannon Wright, 2004.
  • Les retrouvailles, 2005.
  • On tour, 2006.
  • Tabarly, 2008.
  • Dust lane, 2010.

Atijus[eital | edit source]