Alexandru Ioan Cuza
| Alejandro Juan Cuza | ||
|---|---|---|
 | ||
| Enhormación pressonal | ||
| Nombre en rumano | Alexandru Ioan Cuza | |
| Nacencia |
20 de marzo de 1820 Bârlad (Principado de Moldavia) | |
| Muerti |
15 de mayo de 1873 Heidelberg (Gran Ducado de Baden, Imperio alemán) | |
| Sepoltura | Monasterio de los Tres Jerarcas Santos y Voinești | |
| Familia | ||
| Pairis |
Juan Cuza Sultana Cozadini | |
| Cónyugi | Elena Cuza (desde 1844, hasta valor desconocido) | |
| Collera | Marija Obrenović | |
| Educación | ||
| Educau en | Universidad de París | |
| Enhormación profissional | ||
| Oficiu | Políticu, oficial milital, revolucionario y jurista | |
| Cargus acupaus |
| |
| Destincionis |
| |
| Firma |
 | |
Alejandru Juan Cuza, también conocido como Alejandru Juan I de Rumanía a partil de 1862 (en rumanu: Alexandru Ioan Cuza; 20 de marçu de 1820, Bârlad, Principadu de Moldavia - 15 de mayu de 1873, Heidelberg, Alemaña)[1], fue un políticu i militar naciu en Moldavia, que llegó a sej préncepi (Domnitor, literalmenti "gobernanti") delos Principaus Unius de Valaquia i Moldavia entri 1859 i 1866. Es considerau el pairi del Estau rumanu moelnu[2], i alas vexis se le llama «el Napoleón III rumanu».[3] con la su capital en Bucarest, cun una sola adunare i un só gobiernu.[4]
Juventú
[Edital | Editá'l códigu]Tuvu nacencia en Huşi. Cuza pertenecía a una familia de noblis moldavus, siendu el iju del terrateniente Juan Cuza i de Sultana, nacía Cozadini (Cozadini era una familia fanariota). Alejandru recibió una educación uropea urbana i llegó a sel oficial nel ejércitu de Moldavia (avanzandu hasta coronel). Se casó con Elena Rosetti en 1844..
En 1848 la revolución general uropea s'estendió ata Valaquia i Moldavia. En Moldavia la sublevación fue suprimía rápidamenti, inque en Valaquia los sublevaus llegun a enstaurar nel veranu el su propiu gubiernu. El moçu Cuza hizu un papel emportanti i afirmó las sus creyencias liberalis duranti la sublevación de Moldavia i fue mandau a Viena cumu prisioneru, i endispués rápidamenti liberau d'aí conel apoyu delos británicus.
Cuza revolvió a Moldavia, duranti el reinu del príncipe Grigore Alexandru Ghica, i fue nombrau menistru de Guerra en 1858. Representó a Galaţi nel "divan ad-hoc" de Iași, baxu la proteción delos poderis uropeus (pocu endispués dela guerra de Crimea), col propósitu de nominalizal a un nuevu prencepi pa Moldavia. Cuza era un buen oraol i sostribó l'unión de Moldavia i Valaquia. En lugal dun príncipe forasteru, Cuza fue nominalizau enos dos paísis pola "Partida Naţională", aprovechándu-si duna ambigüeá nel Tratau de París, qu'especificaba quelos dos paísis an de tenel enstituciones destintas, pero no necessariamenti dueñus. Ansina, fue escogiu prencepi de Moldavia nel 17 de jeneru de 1859 (5 de jeneru, calendariu julianu) i, alogo de pressión callejera pa cambial el votu, prencepi de Valaquia nel 5 de hebreru de 1859 (24 de jeneru, calendariu julianu).
Inque él i la su mujel Elena Rosetti nunca tuvun ijus, ella crió cumu alos sus propius ijus a Alexandru Al. Ioan Cuza i a Dimitrie Cuza, qu'en realidá eran los ijus del su maríu cola su amanti Marija Catargiu-Obrenović.
Reinau
[Edital | Editá'l códigu]Esjuerçus diplomáticus
[Edital | Editá'l códigu]Cuza consiguió la unión "de factu" delos dos prencepaus. Los poeris no entervinun, Napoleón III del Imperio francés sostenía la unión, inque Austria s'opussu nel Congresu de París (18 d'otubri de 1858); cumu consecuencia, l'autoridá de Cuza no fue reconocía pol soberanu turcu Abd-ul-Aziz, hata el 23 de diziembri de 1861 (i entoncis solu duranti el reinu de Cuza)[5].
La unión fue proclamá tres añus más tardi, el 5 de hebreru de 1862 (24 de jeneru, calendariu julianu), el nuevu país se llamó Rumanía i la capital era Bucarest. Cuza dedicó tolos sus julepis en alfañiqueal más concessionis de parti delos poderis.
Reformas
[Edital | Editá'l códigu]
Assistíu pol su consejeru Mihail Kogălniceanu, un líder enteletual dela revolución de 1848, el rei prencipió una seri de rejormas que contribuyun ala moelnización dela sociedá rumana i delas estruturas estatalis[6].
La primera medía tomá por Cuza fue la secularización delos bienis monásticus (1863), col propósitu d'otenel nuevas huntis d'engressu pal Estau. Más dun quartu delos terrenus cultivablis de Rumanía estaban controlaus por monesterius ortodoxus "dedicaus", que mantenían mongis griegus, forasterus en general, nel Monte Athos u en Jerusalén que senificaban una pesá carga financiera pal estau rumanu. Cuza otuvu el respaldo del parlamentu i ofreció ala Esglesia ortodossa griega un compensamientu, pero Sofronio III, el patriarca de Constantinopla, repuntó qualisquia negociamientu. Endipues de varius añus, el gubiernu rumanu retiró la su oferta i no se pagó nengun compensamientu. Desta manera, los engressus del Estau aumentun, sin entroducil nuevus empuestus.
La reforma agraria[7]., conel propósitu de liberal alos campesinus delas obligacionis feudalis i redistribuil parti delos terrenus (1864), tuvu menus éssitu i nel su ententu por ganal el apoyu delos campesinus, Cuza se vio enfrentau conlos conservaoris. El su requilorio duna lei liberal que garantizaba alos campesinus la propiedá del terrenu que trabajaban fue repunteá i, inque endispués los conservaoris presentun una lei que suprimía las obligacionis feudalis delos campesinus, nella se dexaba toa propiedá dela tierra en manus delos antigus propietarius. Peranti essa oposición, Cuza gastó el su derechu de vetu i convocó un plebiscitu pa modifical las cláusulas dela Convención de París (que funcionaba cumu una costitución), ala manera de Napoleón III.
El plan de Cuza pa establezel el sufragiu universal palos varonis, juntu conel derechu del Domnitor de gubernal a basi de decretu, jue aprobau con 682.621 votus en favol i 1.307 en contra. Ansina pues, llegó a gubernal el país según Statutul dezvoltător al Convenţiei de la Paris ("El estatutu estendíu dela Convención de París"), una lei orgánica adoptá nel 15 de juliu de 1864. Conlos sus nuevus poderis plenarius, Cuza promulgó una nueva Lei Agraria en 1863. Los campesinus recibienon el títulu del terrenu que trabajaban, pero los terratenientis siguienon posseyendu la tercera parti. Si los terrenus no eran lo suficienti estensu cumu pa hazel rentabli esta división, los terratenientis recibienon terrenus delos que habíen síu confiscaus delos monesterius.
A pesar delos ententus del gubiernu de Lascăr Catargiu (conservaol) de mantenel algunas obligacionis feudalis, la reforma agraria de Cuza marcó el fin dela classi delos boieri cumu grupu privilegiau i orientó al país hazia el caminu del capitalismu i la endustrialización. Los terrenus distribuíus alos campesinus, sin embargu, no siempri juenon suficientis pa cubril a largu plaçu las necessidais delas familias campesinas, que solían sel numerosas, ansina que algunos optanon pa vendel las sus tierras i el problema agrariu no quedó plenamenti solucionau.
Las reformas de Cuza tamién encluyun l'aporijamentu del Códigu Penal i del Códigu Civil, basau nel Códigu Civil de Francia(1864) i la Lei dela Educación, qu'assiguraba la gratuiá dela enseñança nel primer ciclu. Creó la Nuversidá de Iași en 1860 i la de Bucarest en 1864 i tnetó desenvolvel un exércitu rumanu moelnu, sigún el modelu uropeu, colaborandu especialmenti con Francia.
Essiliu
[Edital | Editá'l códigu]Cuza marró nel su ententu de crial una aliança entri campesinus prósperus i un poderosu préncepi liberal. Basándu-si solamenti en un pequeñu grupu d'hombris de confiança, no pueu enfrentassi conlos terratenientis (encluso liberalis) enfadaus pola su lei agraria. El escándalu dela su aventura con Maria Catargiu-Obrenović jue un buen motivu pa desencadenal la furia popular, que culminó con un golpi d'Estau. Cuza se vio obligau a abdicar pola ansina llamá Coalición Monstruosa, formá por conservaoris i liberalis. Alas cuatru dela mañana del 22 de hebreru de 1866, un grupu de conspiraoris militaris entrenon nel su palaciu i obligenon al monarca a firmal la su abdicación. El siguienti día fue escoltau pa llegal al otru lau dela raya.[8][9]
Alejandru Juan passó el restu dela su vida nel exiliu, principalmenti en París, Viena i Wiesbaden, acompañau pola su mujer, la su amanti i los sus dos ijus. Murió en Heidelberg siendo enterrau en Ruginoasa, pero los sus restus juenon trasladaus ala catedral Trei Ierarhi de Iaşi endispués dela Segunda Guerra Mundial.
Referencias
[Edital | Editá'l códigu]- ↑ Alexandru Ioan Cuza, primul domnitor al Principatelor Române Unite, Radio Chișinău, 20 martie 2021
- ↑ Horia C. Matei, Ion Nicolae, Silviu Neguț, Caterina Radu, Enciclopedia statelor lumii, ediția a VII-a, București, Editura Meronia, 2001 - ISBN 973-99451-5-6
- ↑ Horia C. Matei, Ion Nicolae, Silviu Neguț, Caterina Radu, Enciclopedia statelor lumii, ediția a VII-a, București, Editura Meronia, 2001 - ISBN 973-99451-5-6
- ↑ Mircea Mâciu, Nicolae C. Nicolescu, Valeriu Șuteu, Mic dicționar enciclopedic, București, Editura Științifică și Enciclopedică, 1986
- ↑ Michel Mourre, Dictionnaire encyclopédique d'histoire. Vol. C. Articolul: Cuza Alexandre-Jean I, p. 1281
- ↑ Aurel Loghin, Maria și Gh. Platon, Universitatea „Al. I. Cuza” din Iași, București, 1972, p. 143
- ↑ "De ce finanțează statul Biserica?". Pentru "secularizările lui Cuza și opera socială", 02 august 2010, evz.ro, accesat la 8 august 2010
- ↑ N. Iorga, Sfaturi pe întuneric. Antologie, ediție îngrijită, note și comentarii de Valeriu Râpeanu și Sanda Râpeanu, București, Editura Militară, 1977
- ↑ Constantin Bacalbașa, Bucureștii de altădată, vol. I (1871-1877). Ediție îngrijită de Aristița și Tiberiu Avramescu, Editura Eminescu, București, 1987, p. 123
Bibliografia
[Edital | Editá'l códigu]- Valeriu Stan, Alexandru Ioan Cuza, București, Editura Științifică și Enciclopedică, 1984.
- Dan Bogdan, Viorel Știrbu, Pe urmele lui Alexandru Ioan Cuza, București, Editura Sport-Turism, 1985.
- Dumitru Ivănescu, Alexandru Ioan Cuza în conștiința posterității, Iași, Editura Junimea, 2001.
Lectura suplimentaria
[Edital | Editá'l códigu]- Viața și opera lui Cuza Vodă, Constantin C. Giurescu, Editura Științifică, 1966
- Anecdote din viața lui Cuza-Vodă, Dumitru Teleor, Editura "Lumen" - [1]
Atijus pa fuera
[Edital | Editá'l códigu]- Prantilla:Commonscat-inline
- Alexandru Ioan Cuza Prantilla:Webarchive
- Muzeul Memorial Al. Ioan Cuza
- Prantilla:En iconCuza, Alexandru Ioan (1820-1870) Prantilla:Webarchive, de Gerald J. Bobango și Paul E. Michelson, în Encyclopedia of 1848 Revolutions.
- Cuza și Napoleon al III-lea Prantilla:Webarchive, 24 ianuarie 2012, Dan Stanca, Ziarul Lumina
- Membrii Academiei Române din 1866 până în prezent – C
Articole biografice
- Cuza, erou sau dictator? Prantilla:Webarchive, 26 ianuarie 2011, Florin Marin, Mihai Voinea, Historia
- Al. I. Cuza: tentațiile unei domnii autoritare Prantilla:Webarchive, Decembrie 2009, Liviu Brătescu, Historia
- A fost Alexandru Ioan Cuza un dictator? (I) Prantilla:Webarchive, 13 aprilie 2010, Paul E. Michelson, Historia
- A fost Alexandru Ioan Cuza un dictator? (II) Prantilla:Webarchive, 13 aprilie 2010, Historia
- Alexandru Ioan Cuza - Enciclopedia României
- Alexandru Ioan I Cuza, domn al Moldovei, Munteniei și Principatelor Unite ale Moldovei și Valahiei (1820 - 1873) Prantilla:Webarchive Articol 38, Istoria
- Alexandru Ioan Cuza: un om curajos, dar singur, 24 ianuarie 2009, Andreea Dogar, Evenimentul zilei
- 24 ianuarie 1859 - Realitatea se naște din vise Prantilla:Webarchive, 12 decembrie 2011, Camelia Pop, Foaia Transilvană
- 135 de ani de la moartea lui Alexandru Ioan I CuzaPrantilla:Legătură nefuncțională, 23 mai 2008, Prof. Dr. Stelian Neagoe, Jurnalul Național
- Galațiul - un reper în biografia lui Cuza Prantilla:Webarchive, 24 ianuarie 2009, Pr. Gabriel Ioan Pelin, Ziarul Lumina