Caja de Extremadura

Dendi Güiquipeya
Oficina e Caja de Extremadura en Caçris.

La Caja de Ahorros y Monte de Piedad de Extremadura, comercialmenti conocia cumu Caja de Extremadura, es la entiá financiera mas emportanti e la Comuniá Autónuma d´Estremaura (España).

Tuvu la su nacéncia el 19 e húliu e 1990 cumu resurtau e la fusión de la Caja de Ahorros de Cáceres (hundá en 1906) i la Caja de Ahorros de Plasencia (hundá en 1911).

La su espansión comercial le ha llevau a abril oficinas en gran parti el territoriu nacional, i es tantu pol númeru d´empreaus cumu pol volumin comercial, una e las estitucionis mas huertis de la comuniá estremeña.

A 31 e diciembri e 2006 el su volumin d´ativus era e 5.682,332 millonis d´urus, lo que a izia fecha la asiahaban cumu la entiá financiera númeru 35 d´España.[1]

Oficinas[Edital | Editá'l códigu]

El númeru d´oficinas de Caja de Extremadura es mayol ena província e Caçris qu´ena e Badahó, ya que nesta úrtima s´enfrontila a la dura competencia que le suponi, entri algotras, Caja de Badajoz, entiá cola qu´en varias ocasionis s´á especulau con hazel una fusión[2].

Caja de Extremadura tiini caherus i/u oficinas enas províncias de:

  • Badahó
  • Barcelona
  • Caçris
  • Córduba
  • Madrí
  • Salamanca
  • Sevilla
  • Toleu

Referéncias[Edital | Editá'l códigu]

  1. Hoy.es: La fusión de las cajas extremeñas situaría a la nueva entidad en el puesto 25 del ránking
  2. Hoy.es: La fusión de las cajas extremeñas situaría a la nueva entidad en el puesto 25 del ránking

Atihus esternus[Edital | Editá'l códigu]

Puertal Financieru