Capacitación
La capacitación es la fase final del desarrollu del espermatoddoidi dondi adquieri la habilidá de fecundal al ovocitu.[2] In vivo ocurri tras la eyaculación, cuandu los espermatoddoidis entran en contactu con los diferentis fluidus del tractu genital femeninu. Tras la eyaculación, los espermatoddoidis no se capacitan tós a la vezi, de modu que cuandu encuentren al ovocitu argunus ya averán completau esti procesu. Duranti la capacitación, el espermatoddoidi esperimenta una seri de cambius:
- Adquieri la capacidá d'unilsi a la zona pelúcida del ovocitu y de lleval a cabu la reazión acrosómica.
- El movimientu del espermatoddoidi eja de sel rectilíneu pa desplazalsi con un movimientu oscilanti provocau por unus huertis impulsus e la molla hacia derecha e izquierda.
In vitro, la capacitación ocurri tras el lavau y purificación e los espermatoddoidis. A pesal de que se desconoci la naturaleza exacta la capacitación (s'asocia al movimientu hiperactivu los espermatoddoidis) se la considera etapa necesaria pa qu'el espermatoddoidi puea fecundal al ovocitu.[1]
Capacitación in vitro
[Edital | Editá'l códigu]In vitro, existin varias técnicas pa realizal este procesu. Argunas d'ellas son el lavau simpli, la migración (Swim-up), los gradientis e densidá o la filtración.[3]
La capacitación in vitro, tamién llamá «recuperación d'espermatoddoidis móvilis» (REM), juntu con el seminograma sirvi pa decidil el tratamientu de reproduzión asistía más adecuau a empleal.[3] La capacitación "in vitro" se realizará en el casu de que sea mestel un tratamientu de FIV o de ICSI, y el métodu empleau pa la capacitación dependerá del resultau del seminograma. Asína, si la muestra de semin tié una cantidá d'espermatoddoidis arta y con una movilidá aceptabli, se realizará la capacitación medianti Swin-up, mientras que si la concentración es baja y ai una mijina viabilidá o movilidá, se realizará la capacitación medianti gradientis.[4]
El objetivu d'estas técnicas de capacitación es el enriquecimientu la muestra la mayor cantidá posibli d'espermatoddoidis móvilis y huncionalis sin que se dañi la su fisiología.Se considera un güen capacitau (ya sea pa inseminación artificial o FIV) aquel que contenga más del 85% de formas A+B, y en total un número mayor e 1x10^6 d'espermatoddoidis A+B (concentración final de 20x10^6 espermatoddoidis/ml en 50 microlitrus). En el procesu de capacitau,además, se eliminarán espermatoddoidis inmóvilis y plasma seminal, que tié sustancias tóxicas o bioactivas que dañan a los espermatoddoidis, prencipalmenti por estrés oxidativu. Tamién s'eliminan prostaglandinas que s'encuentran en pequeñas concentracionis en el semin, y que purían causal dolor uterinu en la mujel.[5]
Tamién es interesanti pal laboratoriu el que sean técnicas que permitan procesal grandis volúmenis e eyaculaus pa puel asín aceleral el procesu pa los diversus pacientis.
Véasi tamién
[Edital | Editá'l códigu]Huentis
[Edital | Editá'l códigu]Referéncias
[Edital | Editá'l códigu]- ↑ 1,0 1,1 CARDONA-MAYA, W.D. y CADAVID, A.P.. Evaluación de la reacción acrosomal en espermatozoides humanos inducida por los monosacáridos manosa y N-acetilglucosamina (en español). Actas Urol Esp [online]. 2005, vol.29, n.7 [citado 2010-01-07], pp. 676-684. ISSN 0210-4806.
- ↑ Essential Reproduction, Johnson, 6th edition, Blackwell Publishing
- ↑ 3,0 3,1 Anselmo, G. J; Arrau, E. J; Gutiérrez, R. A; Canales, B. S; Casanova, Z. D. Separación espermática por swim-up: estudio comparativo utilizando BWW,F10 y líquido amniótico humano (en español). Rev. chil. obstet. ginecol;55(5):336-41, 1990. Último acceso 9 de enero de 2010.
- ↑ Lozano G.M., Bejarano, I., Espino, J., González, D., Ortiz, A., García, J.F., Rodríguez, A.B., Pariente, J.A. (2009). "Density gradient capacitation is the most suitable method to improve fertilization and to reduce DNA fragmentation positive spermatozoa of infertile men". Anatolian Journal of Obstetrics & Gynecology 3(1): 1-7.
- ↑ Berne Y Levy Fisiologia Escrito por Matthew N. Levy, Bruce M. Koeppen, Bruce A. Stanton, Robert M Berne
Bibliografía
[Edital | Editá'l códigu]- Visconti, Pablo E.; Bailey, Janice L.; Moore, Grace D.; Pan, Dieyun; Olds-Clarke, Patricia; and Kopf, Gregory S. (1995). Capacitation of mouse spermatozoa: I. Correlation between the capacitation state and protein tyrosine phosphorylation. Development 121, 1129-1137. PMID 7743926. full article text available on-line