Seminograma

Dendi Güiquipeya
Sartal a: Güiquipeandu, landeal

Se denomina "seminograma" o espermiograma al análisis del eyaculau o semin. A esti estudiu se le denomina tamién comu espermiograma. Se trata d'una prueba sencilla que no va a sel mu útil para diagnósticu clínicu, ya que la su especificidá y sensibilidaá es baja. Únicamenti en el hipogonadismu se pué valoral la respuesta al tratamientu con testosterona a través e la normalización los componentis producíus en las vesículas seminalis y en la próstata. Pol contrariu, sí que será de gran ayua pa los tratamientus e reproduzión asistía a la hora de decidil cuál d'éstus deberá de llevalsi a cabu. Teniendu en cuenta las circunstancias reproductivas e la mujel, y en hunción del resultau del seminograma, pué orientalsi a la pareja hacia un tratamientu de fertilidá u otru, de forma qu'un semin moderau o artamenti patológicu tendrá indicación e fecundación in vitro o ICSI, mientras qu'alteracionis levis, o resultaus normalis serán indicativus e técnicas menus complejas, comu coitus programaus o inseminación artificial. D'esti modu, se ahorrarán gastus en reproduzión asistía optimizandu el procesu.

El semin es una mezcla de espermatoddoidis suspendíus en una secreción del testiculu y epidídimu, qu'en el momentu la eyaculación se combina con secrecionis e la próstata, vesícula seminal y glándulas bulbouretralis. Es una prueba utilizá en los estudius de fertilidá masculina, es izil, precisá cuandu las parejas tien problemas e esterilidá. A esti estudiu se le denomina tamién comu seminograma.

Parámetrus analizaus[eital | eital coigu]

Este análisis del semin va a realizalsi siguiendu las técnicas y criterius estandarizaus descritus pola OMS (1999) o la ESHRE (2002). El objetivu d'icha estandarización es la mejora la calidá en los laboratorius d'andrología. Asina, un seminograma va a constal e diversas pruebas. Entre éstas, se encuentran estudius macroscópicus (de viscosidá, capacidá de licuefazión, colol y olor), químicus (valoración el pH, análisis e Zn, alfa-glucosidasa, fructosa) y análisis microscópicu, que consisti en el estudiu la concentración e los espermatoddoidis asín comu la movilidá, vitalidá y morfología d'éstus.[1] De töas estas pruebas, las más importantes e informativas son las medidas de concentración y movilidá.

Los parámetrus que se estilan estudial son los siguientis:

  • Licuefazión: Pa evalual una muestra de semin esta debi estal licuá. Estu se consigui gracias a una sustancia liberá en el eyaculau denominá fibrinolisina. Estu ocurri aproximadamenti a los 20 minutus e la eyaculación si la muestra está a temperatura ambienti. Si la licuefazión no se produci en esti tiempu, pué indical argún tipu de disfunción a nivel e la próstata. El eyaculau, de forma espontánea, se condensa al pocu tiempu de sel espulsau. Gracias a esa sustancia (fibrinilisina) secretá pola próstata se consigui que se licúe, peru pué dalse el casu de qu'el semin no condensi. Estu se debi a problemas e secreción e la vesícula seminal, qu'es la que contieni sustratu pa qu'el eyaculadu condensi.
  • Viscosidá: El semin licuau debi sel ligeramenti más viscosu qu'el áugua. Pa examinal la viscosidá, se comprueba la formación de hilus en la muestra. Si la muestra es artamenti viscosa, pué debelsi a una disfunción prostática, eyaculación frecuenti o al estau psicológicu del pacienti. Esti aumentu la viscosidá no suponi una causa directa de infertilidá, únicamenti debi tenelsi en cuenta a la hora de determinal el restu de parámetrus d'un seminograma.
  • Volumin: El volumin normal d'un eyaculau tras un periodu de 3 a 5 días d'abstinencia es de 2-6 ml. Un volumen inferior, hipoespermia, pué debelsi a una obstruzión causá por una infezión, una alteración congénita los vasus deferentis, o por eyaculación retrógrada. Estu es, cuandu el semin no recorri su caminu normal, sinu qu'entra en la vejiga y se mestura con l'orina. La produzión d'un volumin superior a 6 ml se denomina hiperespermia y ésta pué sel debía a procesus inflamatorius de próstata y/o vesículas seminalis. La no produzión e eyaculau se denomina aspermia y argunas e las sus causas puen sel la eyaculación retrógada, anomalías anatómicas y neurológicas, y el usu d'antihipertensivus.
  • Colol: el colol habitual del semin es blancu opalescenti, ligeramenti amarillentu. Argunas alteracionis puen debelsi a contaminación con sangri, presentandu colol rojizu (hematospermia); colol amarillu intensu, debíu a la bilirrubina o ingesta de vitaminas; amarillentu, por un artu conteníu en leucocitus o medicamentus; o mu transparenti, debíu a una baja concentración e espermatoddoidis.
  • pH: Normalmenti varía enti 7,2-8,2. Debe de medilsi endenantes e que pasi una hora la eyaculación, ya que se libera CO2 qu'eleva el pH. Valoris huera d'esti rangu puen significal una infezión genital. Solamenti es relevanti pala salú del varón. Normalmente, suele estar entre 7,2 y 7,3 (nunca llega a 7,4). Si los valores del pH se encuentran por debajo de 7 y además el varón sufri d'azoospermia , la causa pué sel debía a una obstruzión e los conductus eyaculaoris y o bien a una agenesia los vasus deferentis. Por otro lau, si los valoris del pH del semin s'encuentra por encima de 8.2, la causa pué sel debía a enfermedadis agúas e las vesículas seminalis; o bien a que s'á realizau una medida reatardá d'ésti y por lo tantu el plasma seminal ha liberau dióxidu de carbonu de forma continua provocandu d'esta forma un aumentu del pH. Por últimu, si los valoris del pH se encuentran por debaju de 7 y el pacienti no padeci azoospermia, la causa pué sel debía a procesus inflamatorius crónicus.
  • Concentración e fructosa: El valor normal según la OMS es de 13 mmol por muestra. La ausencia de fructosa en la muestra pué indical un problema en las vesículas seminalis.
  • Concentración e espermatoddoidis: El valor normal es de 20 millonis/ml o 40 millonis/eyaculau. Pa medil la concentración puen utilizalsi hemocitómetrus clásicus (cámara de Neubauer), cámaras específicas (Makler) y métodus automáticus (CASA). El métodu CASA no s'estila una hartá porque es mu caru y proporciona información prescindibli.
  • Movilidá: Es indispensabli pa que los espermatoddoidis puean llegal a las trompas e Falopio y fertilizal el óvulu. Se valora el porcentaji d'espermatoddoidis móvilis, el de progresivus y el grau de movilidá. Existin 4 tipus e movimientus.
  • Vitalidá: Se realiza una tinción supravital para distinguil enti los espermatoddoidis vivus y muertus, pos el hechu de qu'estén inmóvilis no significa qu'estén muertus. Se realiza cuandu'l porcentaji de espermatoddoidis e movilidá tipu D es mayor del 50%. S'estila la tinción e eosina-nigrosina, la prueba hipoosmótica o la tinción vital fluorescenti.
  • Morfología: El espermatoddoidi debi tenel la molla oval, sin defectus en el cuellu, pieza meya y cola. Estas características morfológicas e normalidá s'establecin a partil del aspectu que presentan los espermatoddoidis recuperaus del mocu cervical endispués del coitu d'aquellus varonis consideraus fértilis. En un seminograma normal debe habel más o igual del 14% d'espermatoddoidis normalis. Existin dos métodus básicus pal estudiu la morfología, el e Papanicolau, qu'es un métodu lentu y caru, y no sirvi cuandu las muestras están una mijina concentrás en espermatoddoidis, y el panópticu rápidu, que comu'l su nombri indica es un métodu más rápidu peru menus eficaz. En esti estudiu se debin tenel en cuenta las tres partes en las que se dividi el espermatoddoidi: molla, parti meya y cola, anotandu el númeru d'anomalías totalis observás y el númeru d'espermatoddoidis normalis. Pa establecel estus datus, se puen seguil dos criterius: el e la OMS (menus restrictivu) y el e Kruger/Tygerberg (más estrictu). No obstanti, es mu subjetivu clasifical un espermatoddoidi según la su morfología, ya que s'eliminan una hartá que purían fecundal al ovocitu sin nengún problema. Un parámetru que puemus calculal es el índici de teratozoospermia que se correspondi a la relación enti el númeru d'anomalías en los espermatoddoidis y el númeru d'espermatoddoidis analizaus; ésti oscilará enti valoris e 0 (tós normalis) y 3 (tós alteraus en molla, cola y pieza meya). Con los datus obteníus, se pué determinal el índici de teratozoospermia (alteracionis) dividiendu el número total de alteracionis observás enti el númeru total d'espermatoddoidis. S'obtendrán valoris enti 0 y 3: 0 cuandu no s'observan alteracionis y 3 cuandu s'observan 3 alteracionis por espermatoddoidi (no se puría efectual inseminación artificial).

Véasi tamién[eital | eital coigu]

Huentis[eital | eital coigu]

Referéncias[eital | eital coigu]

  1. Lozano G.M., Bejarano, I., Espino, J., González, D., Ortiz, A., García, J.F., Rodríguez, A.B., Pariente, J.A. (2009). "Density gradient capacitation is the most suitable method to improve fertilization and to reduce DNA fragmentation positive spermatozoa of infertile men". Anatolian Journal of Obstetrics & Gynecology 3(1): 1-7.

Bilbiografía[eital | eital coigu]

  • Sarabia, L., Munuce MJ. 2010. Reporte Programa Latinoamericano Para la Estandarizació del Análisis Seminal (PLEAS): Primer workshop de expertos Latinoamericanos. Rev. Chil. Tecnol. Méd. 30 (2), 1595-1598.
  • Espinoza-Navarro, O. & Sarabia, L. 2011. Evaluación y Estandarización de la Calidad del Espermiograma: Nuevos Límites Inferiores de Referencia. Int. J. Morphol., 29(3):885-890.

Atijus[eital | eital coigu]