Castilla

Dendi Güiquipeya
Castilla
Pendon de Castilla.

Castilla es una región estórica assitiá ena península ibérica, hormandu ogañu parti d'España. Ai descutiniu a tentu delos sus arrayus, que varían sigún los utoris. La huerça delas versionis consieran que pretenecin ala Castilla estórica las provincias de Ávila, Segovia, Burgus, Soria, Valladolís i Palencia assitiás ena comunidá autónoma de Castilla i León, Guadalajara, Toleu, Ciá Real i Cuenca en Castilla-La Mancha i la Comunidá de Mairil. El nacionalismu castellanu tamién enclui Cantabria i La Rioja, assín comu angunas comarcas assitiás ogañoti ena Comunidá Valenciana. Ai descutiniu a tentu dela pretenecia dela provinicia d'Albaceti, ogañu en Castilla-La Mancha, pero que tamien á preteneciu a Murcia. Tamién por parti d'angunus se consiera que las partis del antíguu reinu de León son castellanas (ogañu sonin las provincias castellanu-leonesas de León, Salamanca i Çamora).

Castilla passó por una volución estórica dendi'l chiquininu Condalgu de Castilla (sigrus IX a XI), ata'l Reinu de Castilla (sigrus XI a XIII) aportandu finalmenti ala estensa Corona de Castilla (sigrus XIII a XIX).