Castilla i León

Dendi Güiquipeya
Castilla i León
Bandera de Castilla i León Escú de Castilla i León
Assitiamientu
Localización de Castilla y León.svg
Datus estaísticus
Capital No declará
Lengua oficial Castellanu
Otras lenguas Leonés, gallegu, vascu i *estremeñu
Superfícii
 - total
 - % d'España
Puestu núm. 1
94.223 qm²
18,6%
Puebración
 - Total (2008)
 - % de España
 - Densiá
Puestu núm 6
2.553.301
5,69 %
26,57 ab./qm²
Gentilíciu Castellanu-leonés
Castellanuleonés
Castellanu i leonés
Estatutu d'autunomia 30 de Noviembri de 2007
ISO 3166-2 CL
Representación
palramentária

 - Congressu
 - Senau
 
 
32 escañus
39 escañus
Presienti Alfonso Fernández Mañueco (PP)
Junta de Castilla i León

Castilla i León (oficialmenti en castellanu: Castilla y León) es una comunidá autónoma española costituía en 1983, que'l su territoriu s'alcuentra assitiau ena parti norti la meseta la península Ibérica, i se correspondi mayoritariamenti cona parti española dela cuenca del Dueru. Está hormá polas provincias d'Ávila, Burgus, León, Palencia, Salamanca, Segovia, Soria, Valladolís i Çamora. Es la comunidá autónoma con mayol estensión d'España. Tal i comu el Estatutu d'Autunomia de Castilla i León arrecoji nel su preámbulu (2007):

Cquote1.png «La Comunidad Autónoma de Castilla y León surge de la moderna unión de los territorios históricos que componían y dieron nombre a las antiguas coronas de León y Castilla.» Cquote2.png
Estatutu d'Autunomia de Castilla i León[1]

L'Estatutu d'Autonomía no estableci esplícitamenti una capital. Nun prencipiu las Cortis s'assitiarun de horma provisional en Burgus; tamién se palró al tentu d'assitial la capital en Tordesillas, enque la decisión final hue assitial las Cortis de mó provisional nel castillu de Fuensaldaña. Finalmenti, pol mé duna Lei Orgánica aprevá en 1987, se decidió establecel que la Junta de Castilla i León —el goviernu dela comunidá— i las Cortis —el órganu legislativu— tuvieran la su sé definitiva ena ciá de Valladolís. Al igual que otras comunidais autónomas españolas, comu País Vascu, se considera la capital la ciá ena que s'alcuentran las estitucionis básicas dela comunidá.

El Estatutu d'Autonomía defini una serii de valoris esencialis i símbolus delos abitantis de Castilla i León, comu el su patrimoñu lengüísticu (aludiendu ala lengua castellana i al restu de lenguas palrás ena comunidá: el leonés i el gallegu) o el su patrimoñu estóricu, artísticu i natural. Entri los símbolus s'alcuentran el blasón, la bandera, el pendón, l'inu (enque no essisti), al tiempu qu'el 23 d'abril quea definíu comu Dia de Castilla i León, en conmemoración dela derrota sufría polos exércitus delas ciais castellanas ena batalla de Villalar duranti la Guerra delas Comunidais de Castilla, en 1521.

Organiçación territorial[Edital | Editá'l códigu]

Províncias de Castilla i León

Arraya al norti con el Prencipau d'Asturias, Cantabria i País Vascu, al esti con La Rioja i Aragón, al sul cona Comunidá de Mairil, Castilla-La Mancha i Estremaúra, i al oesti con Galicia i Portugal, i está hormá pol nuevi provincias: Ávila, Burgus, León, Palencia, Salamanca, Segovia, Soria, Valladolís i Çamora.

Patrimoñu lingüísticu[Edital | Editá'l códigu]

Dalcuerdu con el Estatutu d'Autonomía e Castilla i León, nesta Comuniá se palran cuatru luengas: el castellanu, el lionés, en angunas árias del oesti la Comuniá, que "sedrá ohetu de proteción específica [...] pol su particulal valol endrentu el patrimoñu luengüísticu la Comuniá", el gallegu, el cual, sigún arrecohi el Estatutu d'Autunomia, "goçará de respetu i proteción enos lugaris en que abitualmenti se gasti" (hundamentalmenti, enos lugaris arrayantis con Galícia de las comarcas de El Bierzo i Sanabria) i el euskera en La Puebla de Arganzón (Burgus).

Dessisti tamién la Palra el Rebollal, que angunus crassifican endrentu la luenga estremeña i otrus, endrentu la leonesa.

Referéncias[Edital | Editá'l códigu]

  1. Preámbulu del Estatutu d'Autonomía de Castilla i León

Atijus esternus[Edital | Editá'l códigu]