Ir al contenido

Cristina Iglesias Fernández Berridi

Dendi Güiquipeya
Cristina Iglesias
Enhormación pressonal
Nacencia 8 de noviembre de 1956 Ver y modificar los datos en Wikidata
San Sebastián (España) Ver y modificar los datos en Wikidata
Nacionalidá Española
Familia
Cónyugi Juan Muñoz Ver y modificar los datos en Wikidata
Educación
Educau en
  • Universidad del País Vasco (1976-1978)
  • Chelsea College of Art and Design (desde 1980)
  • Instituto Pratt (desde 1988) Ver y modificar los datos en Wikidata
Enhormación profissional
Oficiu Escoltol, profesor, artista gráfico, artista visual y artista de instalaciones Ver y modificar los datos en Wikidata
Ária Artes visuales, instalación y Escultura Ver y modificar los datos en Wikidata
Sitiu web cristinaiglesias.com Ver y modificar los datos en Wikidata
Destincionis
  • Premio Nacional de Artes Plásticas de España (1999)
  • Premio de arte de Berlín (2012)
  • Real Academia de Arte (2020) Ver y modificar los datos en Wikidata
[editar datos en Wikidata]

Cristina Iglesias Fernández Berridi (San Sebastián, 8 de noviembri de 1956) es una escoltura i gravaóra española. La su obra s´alcuentra destendía pol museus i espacius púbricus de varius paísis.

Biografía

[Edital | Editá'l códigu]

Cristina Iglesias tuvu nacencia nel miajón d´una familia ondi los cincu ermanus an síu artistas. Emprencipió estuyandu Ciencias Químicas, carrera que abandonó pa dil-si a Barcelona ondi praticó debuju i cerámica un tiempo. Endispués, se hormó en Escoltura ena Chelsea School of Art en Londres.Velallí conoció al que sedría dispués el su esposu, Juan Muñoz, i a sotrus artistas comu Anish Kapoor.[1]

La su estancia ena capitá británica -y también el su passu por Italia- marcó el su hoturu comu artista que deseaba, sobri to, trebajal nel espaciu i el contestu. Al terminal nel Reinu Uníu, púu acedel a una beca Fulbright pa estuyal ena Escuela de Bellas Artes del anombrau Pratt Institute de New York (1988).[1]

Correúra profissional

[Edital | Editá'l códigu]

Palos añus 1980 hizu las sus dos primeras esposicionis propias en Portugal i representó a España pola primel ves ena Bienal de Venecia (1986).[1] Esta presencia entrenacional le premitió de esmençal a sel reconocía. Palos añus 1990, pasó con désitu pol Suiza, partecipó ena Exposición Universal de Sevilla de 1992, ena Bienal de Sídney, vestió pola segunda ves la Bienal veciana i espusu obra nel Reinu Uníu i los Estaus Uníus, huendu galardoná en 1999 con el Premio Nacional de Artes Plásticas en España, polos “nuevos caminos” abiertus.[2] Duranti essus añus velaí, hué tamién prohissora de escoltura ena Academia de Bellas Artes de Munich.[3]

Detalli de Tres aguas en Toleu
Detalli del Portón-pasagi ena ampliación del Museu del Prau (2007)

Ya asentá n´Uropa i los Estaus Uníus, palos añus 2000, dispués de superal el espenamientu del su maríu,[4]partecipó ena Bienal de Taipei (2003) i hué la primel española en sel convidá a partecipal ena Trienal de Folkstone (Reinu Uníu, 2011).[5]

La primel obra púbrica en España,[1] hue el mandau que le hizu Rafael Moneu dela puerta de entrá del nuevu edeficiu ena muación del Museu del Prau (2007), el Portón-pasagi, hormau pol seis grandis planchas mobis con horma de vegetalis fosilizaus en bronzi.[1]

En 2016 le hué atorgá el Tambor de Oro de la Ciudad de San Sebastián.[6] . En 2018 por mé del 40º aniversariu dela Costitución española, su escoltura Sin tétulo, 1988 hue descogía entri las obras procedentis del Museu Centru de Arti Reina Sofía pa estal representá ena muestra El poder del arte. La esposición hué sitiá enos edificius del Congresu delos Deputaus i del Senau.[7]

Obra

[Edital | Editá'l códigu]
Forgotten Streams en Londres

La obra de Cristina Iglesias gasta to tipu de materialis comu hormigón, acero, auga, cristal, bronzi, bambú, ojarasca, etc,[1][8] i mesmu ella se siento enfrugía pol constructivismu rusu, los baxurrelievis asirius que púu guipal nel Museo Británico, la arquitectura italiana del renacimientu,[1] i se descrivi comu una escoltura-constructora, atraía pola arquitectura.[9] La crítica, Nandy Princenthal, considera las sus obras comu “pantallas”, que unas veces actúan pa tapal i, en sotras vezis, son andil pa atrael la atención del espectaol hacia algu. Adrian Searle, pola su parte, considera que las esculturas de Iglesias, con su geometría vegetal, recrean los espacius arquitectónicus i “alteran muestra horma de guipal sus escenarius”.[10]

Fuente profunda en Amberes

Su obra s´alcuentra en lugaris púbricus de tol mundu (Brasil, Dinamarca, España, Estaus Uníus, Italia, Méxicu, Paísis Baxus i Reinu Uníu),[11] i en museus de gran presitigiu en arti contemporáneu comu el MACBA (Barcelona), la Tate Galley (Londres), el centro de arte Reina Sofía (Madrid), El MoMA i el Solomon R. Guggenheim Museum (Nueva York), la Fundaçión Serralves (Oporto), el Centro Georges Pompidou (París), el Museo de Arte Contemporáneo Helga de Alvear,[12] o el Museo Hirshhorn y Jardín de Escultural (Whashington), entri citrus.[3][13][14]

Premius i reconocencias

[Edital | Editá'l códigu]
  • 1999 - Premiu Nacional de Artes Plásticas en España.[15]
  • 2012 - Berliner Kunstpreis en la modaliá de artis visualis.[13]
  • 2015 - Medalla de Oro al Mérito en las Bellas Artes (Ministeriu de Coltura i Deportis).[16]
  • 2016 - Tambor de Oro de San Sebastián.[6]
  • 2020 - Premiu de Arquitectura 2020 otorgado por la Royal Academy Of Arts de Londres.[17]

Referencias

[Edital | Editá'l códigu]
  1. ↑ 1,0 1,1 1,2 1,3 1,4 1,5 1,6 Castilla, Amelia (31 de julio de 2014). «Cristina Iglesias: agua, acero y seda». El País Semanal. Consultado el 15 de diciembre de 2015. 
  2. ↑ www.biografiasyvidas.com (ed.). «Cristina Iglesias». Consultado el 15 de diciembre de 2015. 
  3. ↑ 3,0 3,1 cristinaiglesias.com (ed.). «Cristina Iglesias». Archivado desde el original el 13 de diciembre de 2015. Consultado el 15 de diciembre de 2015. 
  4. ↑ Castilla, Amelia (31 de julio de 2014). «Cristina Iglesias: agua, acero y seda». El País Semanal. Consultado el 15 de diciembre de 2015. 
  5. ↑ «Cristina Iglesias, primera española en la Trienal Folkestone». Europa Press. 24 de junio de 2007. Consultado el 15 de diciembre de 2015. 
  6. ↑ 6,0 6,1 «Cristina Iglesias, Tambor de Oro 2016». diariovasco.com. Consultado el 7 de enero de 2016. 
  7. ↑ Aniversario, Constitución 40 (23 de noviembre de 2018). «Congreso, Senado y el Museo Reina Sofía colaboran en una exposición que explora la relación del arte y la historia de la Transición». Constitución 40. Consultado el 23 de diciembre de 2018. 
  8. ↑ Museo Guggenheim de Bilbao, ed. (1998). «Cristina Iglesias». Consultado el 15 de diciembre de 2015. 
  9. ↑ «"El arte alivia; los museos deberían estar ahora llenos"». La Vanguardia. 23 de febrero de 2013. Consultado el 15 de diciembre de 2015. 
  10. ↑ «Cristina Iglesias | Museo Nacional Centro de Arte Reina Sofía». www.museoreinasofia.es. Consultado el 27 de junio de 2023. 
  11. ↑ «Biografia de Cristina Iglesias». www.biografiasyvidas.com. Consultado el 8 de junio de 2023. 
  12. ↑ «Sin título». Museo de Arte Contemporáneo Helga de Alvear. Consultado el 14 de abril de 2023. 
  13. ↑ 13,0 13,1 «Cristina Iglesias, primera española en la Trienal Folkestone». Europa Press. 24 de junio de 2007. Consultado el 15 de diciembre de 2015. 
  14. ↑ arterritory.net, Cristina Iglesias en el museo de Grenoble.
  15. ↑ MEC (ed.). «Cristina Iglesias». Consultado el 3 de enero de 2018. 
  16. ↑ Real Decreto 1179/2015, de 29 de diciembre, por el que se concede la Medalla al Mérito en las Bellas Artes, en su categoría de oro, a las personas y entidades que se relacionan. BOE núm. 312, de 30 de diciembre de 2015
  17. ↑ «Cristina Iglesias recibe el premio de Arquitectura de la Royal Academy Of Arts de Londres». El Diario Vasco. 16 de enero de 2020. Consultado el 17 de enero de 2020. 

Enlaces externos

[Edital | Editá'l códigu]
Arrecuperau dendi "https://ext.wikipedia.org/w/index.php?title=Cristina_Iglesias_Fernández_Berridi&oldid=125176"