Dinamarca

Dendi Güiquipeya
Avissu
Esti endilgui ebi sel revissau por un corretol.
Reinu de Dinamarca
Bandera de Dinamarca
Assitiamientu de Dinamarca
Luenga oficial danés
Capital Copenagui
Rey Frederik X
Primel Menistru Mette Frederiksen
Longol
 - Total
 - % augua
Posición 130ª
43.094 km²
1,6%
Puebración
 - Total (2007)
 - Densidá
Puestu 104º
5.447.084
242 ab/km²
PIB
 - Total (2005)
 - PIB/capita
Posición 36ª
254.401 millonis e US$
36.549 US$
Monea Corona danesa
Zona orária
 en veranu
CET (UTC+1)3
CEST (UTC+2)3
Inu Der er et Yndigt land
Domeñu Internet .dk
Código telefónico +45
Biembru de: UE, ONU, OTAN, OCDE, OSCE

Dinamarca, oficialmenti Reinu de Dinamarca (en danés Kongeriget Danmark), el su senificau literal es "la tierra o marca de los danesis", es el mas chiquininu en estensión d'entri los paisis nórdicus i tamién el mas meridional. Dinamarca holma parti d'Escandinavia i sólu tien arrayu terrestri con Alemaña. Dendi 1999 está unia por carretera i ferrocarril con Suecia por la Puenti d'Oresund al sulesti i arraya al norti con Noruega. Dinamarca cuenta con dos territórius d'ultramar o territórius dependientis, Groenlandia i las Islas Feroes, que disfrutan dun elevau nivel d'autonomia.

Etimología[Edital | Editá'l códigu]

El nombri de Dinamarca procedi de la marca o zona fronteriça que desapartaba el Empériu Carolingiu (sigrus VIII i IX) de los réinus danesis assitiaus en Jutándia, i llamá por ellus Danmark, estu es: "la marca de los danesis".

Geografia[Edital | Editá'l códigu]

Paisaji tipicu danés.
Costa danesa nel mari del Norti

La península de Jutlándia s'estiendi unus 300 km dendi el arrayu alemán con Schleswig-Holstein acia el norti. La su costa oesti está protegia por dunas i bancus d'arena de las tempestais nel mari del Norti. Las 443 islas s'assitian nel mari Bálticu que holma tamien el arrayu esti de Jutlándia. Sólu 76 destas islas están abitás. L'altura meya de Dinamarca es namás que 31 m por cima del nivel del mari.

El paisaji danés hue hormau en gran parti polos glaciaris que cubrían por completu esta zona. Enas ias i venias de las masas de yelu s'acumularun colinas de material arenosu. Ogañu un cinturón d'estas colinas desaparta el esti del oesti de Jutlándia.

Al esti de Jutlándia, desapartá por el estrechu del "pequeñu cintu" de Belt, s'alcuentra la isla Fionia i nel su cantu suresti sigui la isla de Langeland ("tierra larga"), argu más chica.

Mas allá del "gran cinturón", Storebælt en danés, se halla l'isla de Selandia cona capital Copenage. Al esti, al suresti de Suécia en meyu del Bálticu, s'alcuentra l'isla granítica de Bornholm entri Polónia al sul i Suécia al noroesti. Groenlándia i las Islas Feroes son regionis autónomas de Dinamarca.

Climi[Edital | Editá'l códigu]

El climi de Dinamarca está marcau pola situacion norteña i la corrienti del golfu. A menudu soplan cheirus moderaus a huertis del oesti. Los vranus son frescus i los invielnus cálidus. Ain suficientis chivias duranti tol añu.

Flora[Edital | Editá'l códigu]

La vegetacion autóctona está holmá por bosquis d'árvulis con oja caduca. Enas reforestacionis estus están desapartaus ca vezi mas por coníferas i abetus. La mayol parti de los bosquis se gasta comu protecion a la escontra los cherus i pa evital la pérdia de tierra i arena por el cantu del mari del norti.

Fauna[Edital | Editá'l códigu]

Ahueraparti de ciervus i venaus no s'án conservau animalis mayoris enos bosquis de Dinamarca. Nostanti ai una fauna emportanti i variá d'avis. La contaminacion ambiental es la prencipal amenaça pa la fauna danesa enas zonas acuáticas cerca de las costas i enus lagus i rius del enteriol.

Organiçación políticu-admenistrativa[Edital | Editá'l códigu]

Organiçación territorial e Dinamarca

El pudel en Dinamarca[Edital | Editá'l códigu]

En 1849, Dinamarca pasó a sel una monarquia constitucional con l'adoción duna nueva constitucion. El monarca es forlamenti el jefi del Estau, peru ese papel es puramenti ceremonial.

El pudel ejecutivu es ejerciu polos menistrus, huendu el primel menistru solu el "primeru entri igualis" (primus inter pares). El pudel legislativu está envestiu nel parlamentu, conociu como Folketing, que consisti en 179 miembrus.

Los tribunalis de Dinamarca son fucionalis i almenistrativamenti endependientis de los poderis ejecutivu i legislativu.

Las elecionis pa el parlamentu tienin lugal ca cuatru añus, peru el primel menistru puei convocal elecionis antecipadas.

Devisionis almenistrativas[Edital | Editá'l códigu]

Dendi el 1 jeneru de 2007, Dinamarca está deviia en 5 regionis (regioner) i 98 comunas (kommuner) o monicípius. Las cincu regionis dessistentis son:

  • Region Hovedstaden 29 comunas
  • Region Nordjylland 11 comunas
  • Region Midtjylland 19 comunas
  • Region Sjælland 17 comunas
  • Region Syddanmark 22 comunas

Economia[Edital | Editá'l códigu]

Bancu nacional e Dinamarca

La muelna economía de mercau de Dinamarca premiti que dessista una agricurtura d'alta tecnolohia, unus altus nivelis de bienestal, una monea establi i una alta dependéncia de los mercaus esterioris. Dinamarca es un esportaol netu de produtus alimentárius i nirgía i tienin una balança de pagus positiva.

Un 75% de los labutantis danesis pretenci a argún sindicatu dentru de la Confederación Danesa de Sindicatus. Las relacionis entri los sindicatus i la patronal son de cooperacion. Los convenius laboralis que fijan los orárius e labutu i los salárius se negocian entri la patronal i los sindicatus, con una mínima implicación del goviernu.

El goviernu á siu escapaz d'igual o superal los criterius económicus de convergencia necesárius pa entral ena unión económica i monetária de la Unión Uropea. Nostanti, Dinamarca, nun referéndum que hizun en setiembri de 2000, dijun de non adotal el euru comu monea.

Atijus[Edital | Editá'l códigu]

  • En Commons ai conteníu multimedia sobre Dinamarca.


 
Paisis d'Uropa
Albánia | Alemaña | Andorra | Arménia | Áustria | Azerbaiyán | Bélgica | Bielorrússia | Bósnia Ercegovina | Bulgária | Cazastán | Chipri | Ciá del Vaticanu | Cosovu | Croácia | Dinamarca | Eslováquia | Eslovénia | España | Estoña | Finlándia | Fráncia | Geólgia | Grécia | Irlanda | Islándia | Itália | Letoña | Lístestain | Lituaña | Lussembulgu | Macedónia del Norti | Malta | Moldávia | Mónacu | Montenegru | Noruega | Paisis Baxus | Poloña | Portugal | Réinu Uniu | Repúbrica Checa | Rumania | Rússia | San Marinu | Sérbia | Suécia | Suiça | Turquia | Ucránia | Ungria