Cristu Benditu de La Serraílla
El Cristu Benditu (Santo Cristo de la Victoria) es una imagi del Cristu que se venera nel conventu d'Agustinas Recoletas dela Serraílla (Caçris).
Estoria
[adital | adital cóigu]Es una escoltura de maera policromá, hecha enos Mairilis pol escoltol mairileñu Domingo de Rioja, alreol de 1635, por encargu dela beata Francisca de Oviedo y Palacios. Hue retenía en varius lugaris por ordin realis, pos tenía fama de milagrera por ondi diva passandu, assina que endispués l'obispu don Plácido Pacheco tamién la retuvu en Prasencia, peru a la postri trunfó la querencia i la fe dela beata, de mou que la talla allegó a la Serraílla el 13 de abril de 1641.[1]
Descrición
[adital | adital cóigu]La imagi muestra a Cristu de pie, abraçandu una crus, pisandu una calavera col su pie gachu i sostribau sobri la pierna diestra. El caraiti emotivu se vei bien patenti por la mirá honda de Jesús i pola muncha sangri que brota delas sus herías.
El Cristu Benditu goza de mucha devoción en toa la Extremaúra, y hasa el su santuariu allegan abondus devotus conos sus redus.
|
Mía, Celipi, ya mos quea pocu pa la Serraílla. Ahí está, velaí, el Cristu Benditu que es mu güenu. Ya verás comu mos va a socorrel y cural a la nuestra muchachina. Cuandu mos echemus de hinojus a los sus pies y le recemus con fervor, verás comu la criína emprencipia a comel y se le va esa condená debiliá que me la tieni paliucha y sin juerza, en los merus güesus. ¡Y mira que la cudiamus comu ramuju d’albejaca! Miguel y Elisa Herrero Uceda, Mamaeña, relatos extremeños |
 — '
|
El Cristu Benditu hue restaurau en 1992 por Mariano Nieto Pérez, Conservaol-Restauraol del Museo Nacional de Escultura.
Referencias
[adital | adital cóigu]- ↑ «Stmo. Cristo de la Victoria». www.corazones.org. Consultado el 4 de mayo de 2025.