Francisca de Pedraza
| Francisca de Pedraza | ||
|---|---|---|
| Enhormación pressonal | ||
| Nacencia |
Siglo XVI Alcalá de Henares (España) | |
| Muerti | Siglo XVII | |
| Nacionalidá | Española | |
| Enhormación profissional | ||
| Oficiu | Amo de casa | |
_sentencia_de_la_Universidad_de_Alcal%C3%A1.png)
Francisca de Pedraza (Alcalá de Henares, caberus del siegru XVI-meyaus del siegru XVII) uérfana umildi que sufrió violencia de géneru i consiguió que la corti de justicia dela estórica Nuversidá d'Alcalá lo reconociera, en 1624.
Biografía
[Edital | Editá'l códigu]La infancia de Francisca de Pedraza, uérfana de pairis, transcurrió nel colegiu de doncellas uérfanas del conventu de San Juan dela Penitencia, hundau n'Alcalá de Henares pol cardenal Cisneros en 1508. Nel conventu se preparaba alas zagalas, generalmenti, pa tomal los ábitus o pal matrimoñu, otorgándu-lis una pequeña doti. La su educación era rara pa una zagala probi nel siegru XVII, i hue decisiva palos hechus a los que tendría que enfrental-si d'adulta.
En 1612 se casó con Jerónimo de Jaras, un pequeñu propietariu de bienis inmueblis d'Alcalá. Dendi essi momentu Francisca asumió los rolis femeninus dela su época. Tuvu dos ijus, amás de perdel, al menus, sotrus dos a causa dela violencia física padecía. Hue una mugel sometía a malus tratus físicus i sicológicus pol su maríu, al que denunció anti la justicia cevil en 1619, i anti instancias judicialis eclesiásticas en 1620 i 1622, pero sin solucional el su poblema de convivencia. Finalmenti, nel añu 1624, a través dela jurisdición nuversitaria (huendu retol Álvaro de Ayala) consiguió una sentencia de separación matrimoñal i la devolución dela su doti, amás de lo que sedría una especii d'ordin d'alexamientu erga omnes. Lo que á síu considerau comu un precedenti estóricu dela briega contra la violencia de géneru.[1][2][3][4]
Referencias
[Edital | Editá'l códigu]_Ignacio_Ruiz_Rodr%C3%ADguez.png)
- ↑ Riesco N. La maltratada de 1624 que sí ganó el pleito. El Mundo. 22/02/2015.
- ↑ Ruiz Rodríguez I. Francisca de Pedraza: divorcio y orden de alejamiento en 1624. El País. 12/05/2016.
- ↑ Pacheco A. Francisca de Pedraza, la mujer maltratada que se divorció hace 400 años. Broadly. 07/07/2016.
- ↑ “Se tendió en la calle y se hizo la muerta”, un homenaje a Francisca de Pedraza. Alcalá Hoy. 26/11/2016.