Güiquipeya:Votacionis/Archivo/2010

Dendi Güiquipeya
Ir a la navegación Ir a la búsqueda


Pulítica de continiu ménimu[eital coigu]

  • Los artículus s'esborrarán aluspués de 2 dias cola prantilla: esborral.
  • Los artículus "ofensivus", ya seya pol continiu, u pol mó d'escrebil, sedrán esborraus nel intri. El autol tendrá la possibiliá de crial una votación pa solicital l'arrecuperación del artículu.
  • S'esborrarán los artículus de menus de 1000 bytes sin prantillas (Limpieza de sangre...) i los de menus de 1500 bytes con prantillas (Vigu...), sarvu las siguientis ececionis:
    1. Artículus cola prantilla: pol acabijal. Ésta prantilla s'esborrará tras una semana sin hazel eicionis nel artículu (que sedrá esborrau si nu cumpri las condicionis, u remanecerá si las cumpri).
    2. Artículus própius (nu dessistentis en otras wikipedias) que gastin huentis, i que seyan d'enterés enciclopéyicu.
    3. Artículus cuyu autol pia la criación duna votación pala conserváncia el artícu.
Line-punct.png

A favol:

  1. a favol A favol Better 11:40, 15 Eneru 2010 (UTC)
  2. a favol A favol --Chabi 14:52, 15 Eneru 2010 (UTC) Pero yo creo que en vez de borrar artículos, se podría intentar aumentarlos hasta que alcancen un contenido mínimo si valen la pena.

En contra:

  1. a la contra A la contra --Sa 13:31, 21 Eneru 2010 (UTC) Nu creu qu'esborral endilguis sea lo mejol. Ain angunus sobri temas endispensablis, que nu arcançan las condicionis, assín que nu eberian esborralsi, sinu añail enformación.
  2. a la contra A la contra --Tiu Fraili 00:37, 24 Eneru 2010 (UTC) No creu tapocu que se tengan que esborrar los endilguis con pocu conteniu o que estén haltus de huentis, quandu muchus son traducionis d'otras güiquis o son por conocimientu del própiu autor. Endigual de hondear con tôs essus artículus, lo que ai que hazer es motivar a la genti paque los destienda i dei hormatu. No entiendu tapocu pa qué se encluin los artículus ofensivus endrentu de lo de ménimus, quandu está polo craru que si el artículu es ofensivu se hondea por mu bonitu que lo pongan. Ai que ser mas flessivus i no recinchar tantu, mas quandu semus tan poquinus los que trebajamus ena Güiquipeya.
Fraili, es un marru nu aprebal esta política, pola siguienti razón: atualmenti yo soi quien izi si s'esborra un artículu u nu, argu que nu me peta (i ebin sel esborraus una tupa). Si dessisti una política, la cuestión ya nu es argu sujetivu: dessistin regras. Dessistin una tupa artículus qu'ebin sel esborraus, el ménimu (1000 bytes i 1500 bytes) es escrebil dos párrafus chicus con sintiu, palramus de 1/4 parti del artículu J. R. R. Tolkien, que tié mas de 4000... pol otra parti, quién izi qué es ofensivu i qué nu? i si angunu escribi cumu le paci, i alogu izi que nel su puebru palran assina? quién soi yo pa esborrali el endilgui? Cúmu sé yo que nel su puebru nu palran assina? Pos pa essu está la política, pa nu deciil yo tó, pa que si esborru angún artículu, se puea votal i aiga normas.

Pol ponelti un clussu: abria qu'esborral esti artículu? La, la, la (grandol: abati 500 bytes) Better 11:25, 24 Eneru 2010 (UTC) Nutral:

  • Creu que no ebemus esborral tolos endilguis essus. Peru, comu Better, creu que tamién s'ebi aprebal una política continiu ménimu. En cualisquiel casu, s'ebi palral en el Seranu i no ena mesma votación. Pa empençal, cuantus endilguis se vedrán afetaus? — Tiu Cancho (vai a la mi caraba) 23:16, 25 Eneru 2010 (UTC)

Resurtau: La política nu á siu aprebá con 2 votus a favol, 2 en contra i un votu nutral. Better 13:28, 26 Eneru 2010 (UTC)

Ortografia la entrihazi i nombris d'artículus[eital coigu]

Creu qu'es mestel hazel esta votación enantis de que votemus la política que prepara Cancho. Hizi una "votación", pol anombralu d'anguna holma, en Agostu 2007, naidi contestó, asinque pregunté pressonalmenti a los colaboraoiris del momentu (el Patter i Olarcos). Dengunu tuvu enconvenienti, peru al sel hechu de holma pressonal, nu tié valol dengunu. Aquina se muestra la votación antígua. Pol otra parti, hata agora, estu á siu un ciscu, entri escambial unas i otras cossas ena entrihazi, pudriamus tenel traucius ya várius proyeutus, i ni la Güiquipeya s'alcuentra traucia al compretu. Esta votación es nesezária pol dambas las dos razonis: si se confirma gastal la ortografia del Fraili, pos ya tenemus una votación fiabri que lo demuestra, i si nu, pos s'escámbia. El chascu es que nu encetemus con una ortografia, i al mes tengamus argu compretamenti deferenti.

Güenu, la pulítica pa votal es la de siempri, cualisquiá pué añiil la su ortografia i tó essu, nel chascu del Fraili, creu que sedria güenu que destinguiéramus entri la ortografia antígua i la nueva, anque essu lo ebi eciil él, lo qué pressenta i tal... i güenu, me petaria que votara tó'l mundu... Damus hata el dia 31 pa pressental ortografias i alogu votamus. Salús! Better 11:40, 25 Eneru 2010 (UTC)

Prepuestas[eital coigu]

  • I Gramática Ehtremeña (Pablo Gonzálvez González, María José Gonzálvez Domínguez, Trinidad Gonzálvez Domínguez). Better 11:40, 25 Eneru 2010 (UTC)
  • Ortografia tradicional grabielana, conas modificacionis opoltunas (sobri tó -s-, -ss-, que él no destinguia) — Tiu Cancho (vai a la mi caraba) 22:42, 25 Eneru 2010 (UTC)
  • Primeras velsionis de la Ortografia del extremeño (prencipalmenti la revisión aún no espubricá). — Tiu Cancho (vai a la mi caraba) 22:42, 25 Eneru 2010 (UTC)

Votación[eital coigu]

  1. Presonalmenti, tengu duas, peru vo a votal pola I Gramática Ehtremeña. Better 19:15, 3 Hebreru 2010 (UTC)
  2. Ortografia tradicional, creu que sedria un errol (un passu atrás en abiendu otras prepuestas mejoris) gastal la de Gonzálvez — Tiu Cancho (vai a la mi caraba) 20:16, 3 Hebreru 2010 (UTC)
  3. Ortografía del extremeño conas quatru cosinas que amus muau, mas que ná porque si golvemus a una ortografia tradicional que no es prejisa i ena que el estremeñu va recinchau i mesmu dehormau o a una fonética cona que se desvertuan las parabras, no dimus a sel escapazis de pegal el passu prejisu pa hazel las cosas bien. Sé que la ortografia que yo propusi no es la mejol, pero es la menus mala de las que ain. Comu sé que nos vos convencin los ergumentus lingüísticus tapocu quiu aquí enlial-me a esponé-los, porque l'única verdá que ai es que los estremeñus án siu alfabetizaus en castellanu: tolas propuestas que hagamus, denguna cumprirá del tó. Por mé de proyetus tan grandis comu estus de la Güiquipeya amus escomençau a que la genti se vaya hiziendu a pocu a pocu a otrus sistemas i de aquí a no muchu i si semus escapás de sostenel el estremeñu lo suficienti, la ç no sedrá tan rala, ni la ss prevocará tracamundeu dengunu. Tó es custion de acostumbral-se, enseñal i enseñal-se. Soi coscienti de que lo mas adecuau no es siempri lo mas populal, pero de anguna horma tendremus que escrevil el estremeñu! Un saluinu.--Tiu Fraili 22:17, 3 Hebreru 2010 (UTC)

Resurtau: Pa varial, nu amus llegau a un alcuerdu, estu es, la Güiquipeya agora mesmu nu tié una ortografia concreta ni pala entrihazi ni pal nombri los artículus. Lo suyu sedrá que palremus nel seranu al tentu esti tema. Better 12:01, 14 Hebreru 2010 (UTC)