Heródotu

Dendi Güiquipeya
Sartal a: Güiquipeandu, Landeal
Heródotu

Heródotu de Halicarnasu (en griegu Ἡρόδοτος Ἁλικαρνᾱσσεύς) hue un estoriaol i geógrafu griegu que vivió entri el 484 i el 425 e. C.

Se le considera el pairi la estoriografía (el primeru en gastal esa horma hue Cicerón en el su De legibus) pola su famosa obra Ἱστορίαι (historíe), literalmenti «envestigacionis, esploracionis» (de ἵστωρ, «sabel, conocel»), escrita hacia el añu 444 e. C. en Panhellen (colonia turia que ayudó a fundal). Historiae o Los nuevu librus d'estoria es considerá una fuenti emportantísima polos estoriaoris por sel la primel descripción del mundu antiguu a gran escala i delas primeras en prosa griega. El primel párrafu anuncia:

Ἡροδότου Ἁλικαρνησσέος ἱστορίης ἀπόδεξις ἥδε, ὡς μήτε τὰ γενόμενα ἐξ ἀνθρώπων τῷ χρόνῳ ἐξίτηλα γένηται, μήτε ἔργα μεγάλα τε καὶ θωμαστά, τὰ μὲν Ἕλλησι τὰ δὲ βαρβάροισι ἀποδεχθέντα, ἀκλεᾶ γένηται, τά τε ἄλλα καὶ δι' ἣν αἰτίην ἐπολέμησαν ἀλλήλοισι.

Heródoto de Halicarnaso presenta aquí los resultaus dela su envestigación pa que'l tiempu no abata el recuerdu de las acionis umanas i que las grandis empresas acometías, ya sea polos griegus, ya polos bárbarus, no sean olvidás; da tamién razón del conflictu que enfrentó a estus dos puebrus.