Hugues de Courson

Dendi Güiquipeya
Ir a la navegación Ir a la búsqueda

Hugues de Courson es un músicu polistrumentista francés, sonau polas mesturas estilus que has enos sus trebajus.

Via[eital | eital coigu]

Hugues tuvu nacencia el 9 Mayu el 1949 en París endrentu una familia tradición melital. Pol mó duna mission su pairi, la su família aballa pa España andi s’ensiña a numerosus estruementus comu la bateria, el baju, la quitarra elétrica, el pianu, la cornamusa u el violón. Acontina los sus estuyus nel estitutu Enriqui IV andi escomiença el escrebieru cancionis junta Patrick Modiano. Dende essi momentu va entrivolau entri el estuyaeru i el participaeru en destintus conjuntus musicalis, hata que hunda junta Gabriel Yacoub la banda folclórica Malicorne nel 1973.

En 1992, endispués de bregal comu músicu i produtol nel sellu discográficu Ballon Noir, gana el prémiu Léonard de Vinci que le premiti estuyal la música pol tres añus en paisis comu Grécia, Egitu, Israel, Síria, Yemin, Turquia, Burgária u Albánia. Frutu dessas esperéncias emprencípia cona música mestura grabandu discus con destintus artistas proceentis de várius paisis comu Lambarena, junta Pierre Akendengué, Mozart l’Égyptien u Song of innocence, llegandu a esprimentus comu la música eletrónica i la sacromeyeval en Lux obscura.

Aguañu anda viviendu en Kuala Lumpur, deprendiendu las músicas tradicionalis asiáticas i deprendiendu nel Lycée Français la ciá, el LFKL.

Discografia[eital | eital coigu]

  • Fonds de tiroirs.
  • Lambarena : Bach to Africa (1995).
  • DecOdeX (1995).
  • Mozart l'Égyptien (1998).
  • Songs of Innocence (1999).
  • O'Stravaganza : Vivaldi l'Irlandais (2001).
  • Lux obscura (2003).
  • Mozart l'égyptien vol. 2 (2005).