Las Hurdis

Dendi Güiquipeya
Sartal a: Güiquipeandu, landeal
Assitiamientu Las Hurdis

Las Hurdis es una comarca d'Estremaúra, assitiá nel norti la província de Caçris. Está asiajá namás por 5 monicípius i 43 núcleus de puebracion, delos cualis 5 ya están despuebraus. Es unu los lugaris ondi mas se palra el estremeñu.

La comarca siempri s'á caraterizau pol su atrasu i polas duras condicionis de via de los sus abitantis. Albondu enteletualis denunciarun esta situacion al préncipiu del sigru passau, comu Miguel de Unamuno o Luis Buñuel, que derigió la pinicla Las Hurdes, tierra sin pan en 1932, pinicla bien polémica por otru lau.

Las Hurdis conserva güena palti de la su herencia cultural.

Cquote1.png Es por esu lo singulal y lo propiu de estas tierras de Las Jurdis, tantu en cuantu al paisaji comu a sus poblaoris y a sus tradicionis. Lugaris repletus de leyendas, se miri pa ondi se miri. Pa unus, habitáus por diosis; pa otrus, lejus de la manu de Dios. El jurdanu es anti tou jurdanu, y ama la su tierra regándula con el su suol. Ya idin angunus que Las Jurdis es el Tíbet de esta palti de p’acá.
         Miguel y Elisa Herrero Uceda, El rey jurdanu, Mamaeña, relatos extremeños
Cquote2.png
'
Escena del Carnaval Jurdano

Mu propiu es el Carnaval Hurdanu [1]poblau de seris fabulosus, el burru antrueju, el machu lanú, el obispu jurdanu, los mozus del guinaldu... unius a un ricu folclori, a la arquitectura vernácula y al paisaji. P'allí tou el pueblu participa; es por esu por lo que se idi Quien no se encarantoña no comi de la olla.[2]


Monicípius[eital | eital coigu]

Monicípiu Puebracion Superficii Densidá
Caminomoriscu 1.256 147,6 8,51
Casaris 554 20,75 26,70
Ladrillal 224 53 4,23
Nuñomoral 1.452 95 15,28
Pinofranqueau 1.686 148,9 11,32

Huentis[eital | eital coigu]

  1. Félix Barroso "Martilandrán vivirá este año el Carnaval Jurdano". El Periódico de Extremadura, 9 de febrero de 2014
  2. Herrero Uceda, Miguel y Elisa: Mi Extremadura. 2011