Manila

Ciá de Manila
Entidad subnacional
Bandera
Lema: Forward Ever, Backward Never (inglés: Siempre adelantado, jamás atrasado)
Prantilla:Mapa de localización Localización de Manila en Filipinas
Prantilla:Mapa de localización Localización de Manila en Asia
Localización ena Gran Manila
Coordenadas	14°35′45″N 120°58′38″E
Idioma oficial	tagalu, inglés i español
Entidad	Highly urbanized city, Capital nacional, Gran cidá, Megaciudad y Metrópoli
• País	Prantilla:Geodatos Hilipinas
•	Gran Manila
•	Gran Manila
Superficii
• Total	24,98 km²
Altol
• Media	9 m s. n. m.
Puebración (2020)
• Total	1846513 hab.
• Densidá	73 919,66 hab/km²
Huso horario	Tiempo Estándar de Filipinas
Prefijo telefónico	2
y https://www.cityofmanila.ph/ Sitio web oficial

Manila (en pampangu: Menila; en zambal: Ibali), oficialmenti Ciá de Manila (Filipinu: Lungsod ng Maynila), es la capital de Filipinas i la segunda ciá del país pol númeru d’habitantis, endispués de Ciá Quezon.

Etimología

La capital de Filipinas, Manila, tien una etimología que provieni del términu tagalu “Maynilad” u “Maynilà”. Se crii que “may” significa “tenel” u “hai” i “nilad” es una planta acuática (Scyphiphora hydrophyllacea) que solía crecel en las árias cercanas a la bahía de Manila. Pol tantu, “Maynilad” puei traducilsi cumu “lugal ondi hai nilad” u “lugal ondi creci la planta nilad”. Con el tiempu, la parabra se simplificó a Manila, i se convirtió en el nombri dela ciá capital.

Assitiamientu

La ciá está asitiá ena costa oriental dela bahía de Manila, ena isla de Luzón, huntu a la desembocaura del ríu Pásig; la ciá limita al norti con las ciais de Navotas i Caloocan; al noresti con Ciá Quezon; al esti con San Juan i Mandaluyong; al suresti con Makati i al sul con Pasay.

Puebración

Manila tiene una puebración total de 1 652 171 d’acuerdu con el censu de 2013, siendu la segunda ciá más puebrá del país endispués dela cercana Ciá Quezon. La puebración habita una ária de apenas Prantilla:Convertir, lo que faci a Manila una de las ciais más densamenti puebrás del mundu. El Gran Manila es el ária metropolitana más puebrá de toa Filipinas i la décima del mundu, con una puebración estimada en 20,5 millonis.

Luengas

La lengua vernácula es el filipinu (un idioma criollo basau primordialmenti en el tagalu palrau en los alreoris dela ciá), idioma que s’a convertíu ena lingua franca del país, habiéndusi extendíu por tol archipiélagu a través de los meius de comunicación i el entretenimientu. Entretantu, el inglés es el idioma más gastau ena educación, los negocius, i en gran midía en el gastu cotidianu en toa la región metropolitana de Manila i en la propia Filipinas. Un númeru de residentis mayoris entavía palran un español básicu, ya que era una matéria obligatoria en el plan d’estudius de las universidadis i colegius en Filipinas, assín cumu muchus ijus d’uropeus, árabis, endius, latinoamericanus u otrus emigrantis u expatriáus palran tamién las lenguas de sus pairis en casa, fueraparti d’inglés i / u filipinu pal gastu cotidianu. El min nan es palrau pola comunidá sinofilipina.

L'orizonte de Manila de día, vistu dendi la Praça dela Baía nel Centru Coltural delas Filipinas.

Distritus

La ciá se dividi en seis distritus legislativus i consisti en dieciséis distritus geográficus: Binondo, Ermita, Intramuros, Malate, Paco, Pandacán, Port Area, Quiapo, Sampaloc, San Andrés, San Miguel, San Nicolás, Santa Ana, Santa Cruz, Santa Mesa i Tondo. El comerciu más activu i algunus de los lugaris más estóricus i emblemáticus de gran emportancia coltural en el país, cumu la sedi del Ejecutivu filipinu i la Suprema Corte de las Filipinas, s’alcuentran en esta ciá. Manila es sedi de várias institucionis científicas i educativas, numerosas instalacionis deportivás, assín cumu dun ampliu elencu d’entidais culturalis del país i otrus lugaris cultural i estóricamenti significativus.

El primer relatu escritu acea de la ciá es la Inscripción de la Laguna Copperplate, que data del sigru X. La ciá fue invadía por Bolkiah, sultán de Brunéi, i fue cristianizá ya en el sigru XVI, quandu los conquistadoris españolis llegarun por primera vezi. Fue incorporá el 24 de juniu de 1571 pol conquistadol español Miguel López de Legazpi. Manila se convirtió finalmenti en el centru de las actividais españolas en Extremo Orienti i destinu dela ruta comercial del Galeón d’Acapulcu a Manila, el qual conectaba a la América Española con Asia.

La ciá recibió el apodu dela «perla d’Orienti», cumu resultau dela su ubicación central en las vitalis rutas del comerciu marítimu pol Pacíficu. Várias insurreccionis chinas, revueltas localis, una ocupación británica i un motín cipayo se produxun tiempu endispués d’essu. Manila tamién viu el surdimientu dela Revolución filipina, que fue seguía pola ocupación estauniensi, contribuyendu a la planificación urbana dela ciá i al desenvolvimientu solu para que la mayoría de dichas mejoras se perdiera pola devastación dela Segunda Guerra Mundial. Endispués d’estu, la ciá a siu reconstruía.

Geografía i clima

Geografía

La Ciá de Manila ocupa una posición única en Filipinas, tantu pol sel la capital del país cumu pol sel igualmenti la capital dela su ária metropolitana, compuesta por várias ciais i treci municipius.

Limita al norti colas ciais de Navotas i Caloocan, al noresti con Ciá Quezon i San Juan del Monti i al sul la ciá de Pásay. Al oesti dela ciá s’alcuentra la maravillosa bahía de Manila.

Asitiá ena costa oriental dela vasta i honda bahía homónima, bien protehía pola península de Bataán i cerraúra la su salía hacia el mari dela China pol isloti de Corregidol, s’estiendi ena desembocaura del Pásig que la dividi en dos partis. Al sul s’alcuentra el antiguu centru español de Intramuros, solal dela ciá amurallá. En el norti s’estiendin los moernus barrius residencialis i comercialis. La çona endustrial se concentra ena çona del puertu.

Climi

D’acuerdu col sistema de clasificación climática de Köppen, Manila presenta un clima tropical de sabana (Köppen: Aw) que limita con el tropical monzónicu (Köppen: Am). Cumu el restu de las Filipinas, Manila s’alcuentra enteramenti dentru de los trópicus. La su proximidá al ecuadol significa que la oscilación térmica es mínima, raras vezis se baha de los 20 °C, u subi de los 38 °C. Sin embargu, los nivellis d’humedad frecuentementi están mu eleváus lo que faci sentil mayol calol (Varía dun promediu de 71 % en marçu a un promediu de 85 % en setiembri). Cuenta con una clara inque relativamenti corta estación seca que va dendi eneru ata abril, i una estación húmeda relativamenti prolongá, empuhá pol monzón, que va dendi mayu ata diziembri.

Patrimoñu

Interiol dela Catedral de Manila

Destruyía duranti la II Guerra Mundial, fue reconstruyía bahu criterius urbanísticus estauniensis. Dejó de sel una eleganti ciá de corti hispánicu i uropeu para convertilsi en una metrópolis con largas callis rectilíneas i ensulsus rascacielus, caracterizá por un tráficu caóticu i ruidosu. Sus numerosos barrius superan ya los límitis provincialis: El de Makati, alreol del parqui Forbes, es un centru residencial mu emportanti. El incrementu demográficu a siu enormi: tenía 100.000 habitantis en 1890, 300.000 en 1920 i 600.000 en vísperas de Segunda Guerra Mundial.

Las iglesias barrocas de San Agustín i de Santu Domingu, con el conhuntu conventual anexu, las antiguas fortificacionis españolas i los restus del Fuerti Santiagu, amás dalgunus moernus i enteresantis edificiuis cumu el Coliseu, son los prencipalis lugaris artísticus.

Manila es un emportanti centru coltural, sedi dela Universidá de Santu Tomás i dela Academia Filipina de la Lengua Española. Tieni vários museus, assín cumu bibliotecas i un observatoriu.

Un relativamenti nuevu rumbu s’a tomau cola encorporación de tolas ciais i municipius que componin l'ária metropolitana, nuna urbi redimensioná denominá «Gran Manila».

Aministración

La dirigi un gobernadol que gestiona sus servicius a través de diferentis escalonis administrativus.

Gran Manila

Gran Manila (llamá Metro Manila) está compuesta polas localidais de Caloocan, Manila, Navotas, Malabón, Valenzuela, Marikina, Pásay, Pásig, Mandaluyong, San Juan, Makati, Ciá Quezon, Taguig, Parañaque, Las Piñas i Muntinlupa.

Conomía

El horizonti de Manila ena nochi, vistu dendi la Praça dela Bahía.

Bulvel Roxas, ondi quía localizau el prencipal centru de negocius de Manila.

Luegu dela endependencia de 1947, ubu un chambiu ena política económica de las Filipinas: de promoción dela esportación a la sustitución dela emportación. El beneficiariu delas políticas dela sustitución delas emportacionis fue la región dela capital.

La basi endustrial dela ciá s’a incrementau en décadas recentis para encluil produtus textilís, publicacionis, i emprentas, comida procesá, i la manufactura de tabacu, pintura, medicina, aceitis, jabón i madera.

Desportis

Manila fue la ciá sedi de los Juegos Asiáticos de 1954.

Educación

Manila es sedi de várias escuelas i nuversidais. Entri ellas están:

Colegio de La Consolación - Manila La Real i Pontificia Universidad de Santo Tomás (Filipinas) (1611). Liceo de Filipinas La Nuversidá Normal de Filipinas El Colegio de San Juan de Letrán (1620) La Nuversidá de Centro Escolar (1907) La Nuversidá de Filipinas (1908). La Nuversidá de La Salle-Manila (1911). La Nuversidá Filipina de Mujeres (1919). La Nuversidá del Lejano Oriente (1928). La Nuversidá de Manila (1913). El Colegio de San Sebastián - Recoletos de Manila (1941) La Nuversidá Manuel L. Quezon (1947). La Nuversidá dela Ciá de Manila (1965). La Asian Institute of Management (1968)