Matachel
| ||
| • Comuniá | Estremaura | |
| • Longol | 124 qm | |
| • Artitú e la huenti | 598 m. | |
| • Artitú la desembocaura | 205 m. | |
| • Desembocaura | Riu Guadiana | |
| • Superfici la cuenca | 2546 qm² | |
Riu Matachel es unu los mas emportantis afluentis de riu Guadiana. Destaca en gran miia pola su estensa cuenca, que arrepresenta un 3,8% de la cuenca e Guadiana, en comparáncia con otrus afluentis de la malhin gocha. Dendi la su nacéncia en Sierra Morena hata la su desembocaura enas prosimiais la localiá e Don Álvaru, Matachel acorri entegramenti la província e Badahó, deviiendu práticamenti pola metá la comarca e Tierra e Barrus, de la que se costitui cumu la su prencipal via fluvial. Nel su tramu final, el culsu está regulau pola presa d'Alanhi.
La cuenca e riu Matachel es mu pocu prenunciá, orihinandu una redi e drenahi sinuosa i densa ena que tamién participan un gran númiru e regachus estacionalis. El clima mediterráneu que carateriza la zona marca grandis deferéncias estacionalis nel su caudal, chegandu a sel práticamenti testimonial en epoca vraniega. Enas sus áuguas i riveras es posibri alcuentral fauna e gran valol ecolóhicu, cumu el harabugu (endémicu e Guadiana), el meloncillu, la hineta u el gatu montés.
Asiahamientu
[Edital | Editá'l códigu]- Nacéncia: Cortihu el Brutu, prósimu a Açuaga, en Sierra Morena.
- Desembocaura: mu cercanu a las puebracionis de Don Álvaru i La Çarça, a pocu longol de la capital estremeña, Méria.
- Afluentis: ena su mayol parti regachus estacionalis i de tipu mediterráneu. Destacan ena malhin gocha riu Bonhabal, el Retín i la Rivera d'Usagri; i pola derecha, riu San Huan i Palomillas.