Metal

Dendi Güiquipeya
Sartal a: Güiquipeandu, landeal
Canadian Aboriginal Syllabics Example.svg Nesta páhina se gasta una ortografia destinta a la que normalmenti se gasta ena Güiquipeya.
Cubu metálicu d'estañu

Un metal es un material con capacidá pa conduddil calol y eletricidá. Están tos apeñusgáus ena mesma parti la tabra periódica. Tienin de 1 a 3 eletronis de valencia, juendu los sus átumus pocu eletronegativus y tuviendu una baja nirgía de ionización.

Los metalis tienin angunas propiedáis físicas polas que se destacan. Puein sel brillantis, tenel alta densidá, sel ductis y maleabris, tenel un puntu de fusión altu, sel durus y sel güenus condutoris de la calol y la eletricidá.

Tienin estas propiedáis pol jechu de que los eletronis esterioris están atilláus namás qu'una mijina a los átumus, jormandu una aspeci de mari que los baña a tòs (vel semicondutol), lo que se conoci comu atiju metálicu.

Los metalis puein jormal aliacionis entre ellus y ellus y se crassifican sigún la su densidá en:

  • Ultraligerus: Densidá en g/cm³ menol que 2. Los mas comunis d'esti tipu son el magnesiu y el beriliu.
  • Ligerus: Densidá en g/cm³ menol que 4,5. Los más comunis d'esti tipu son el aluminiu y el titaniu.
  • Pesáus: Densidá en g/cm³ mayol que 4,5. Son la juerza tolos metalis.

Metalis[eital | eital coigu]

Otrus artículus[eital | eital coigu]