Officinalis

Officinalis, officinarum u officinale son los nombris específicus conos que se huchean a angunas prantas que tiinin o tuvun un usiu meicinal i curativu.

Etimologia

La parabra vién del términu latinu meyeval opificina, qu'aluspués passó a sel officina, qu'era comu se conocia a la antíguas boticas.

Espéciis

Áin una tupa prantas con angunu d'estus nombris específicus (alrreol 60). Velequí las más conocias:

Saccharum officinarum, la caña d'açuca.
Rosmarinus officinalis, el romeru.
Asparagus officinalis, l'asparraguera.
Valeriana officinalis, la valeriana.
Nasturtium officinale, mastuerzu u berru.

Huentis

(ingrés) Officinalis MMS Gardens.
(español) Tantas narices como pantalones, pol Lucia de Castro.