Palaciu Carvajal
El palaciu Carvajal es un edificiu assitiau ena ciá de Caçris. La familia los Carvajal llegó ala ciá nel sigru XV, proceenti de Prasencia i construin el su palaciu junta l'edificiu religiosu mas emportanti dela ciá: la Concatedral de Santa María. Debiu a un incendiu que tuvu lugal en el sigru XIX, tamién se le mienta "la casa quemá". Ogañu es sé del Patronatu pala promoción del turismu i l'artesanía dela provincia de Caçris.