Murcianu (palra)

Murcianu
	Panocho
Palrau en	España
Región	Mucia, sul d'Alicanti i Albaceti
Familia	Indouropeu
Escreviúra	alfabetu latinu
	; Destribución del murcianu ena Península Ibérica.
	[editar datos en Wikidata]

Agora ain pessonas trebajandu nesti artícalu

Por causa d'estu, puein faltal conteníus o avel marrus en el hormatu. Has el favol, enantis de hazel qualquiera muación, vai-ti ala carava a tentu d'esti artícalu pa poel cordinal la su redación.

El murcianu o panochu es un conjuntu de rasgus dialetalis essestentis nel castellanu própiu de Múrcia, que junta el castú, el andalús, i las palras manchegas conhorma el castellanu meriyonal peninsulal. Se palra ena cuenca el Segura.

Jografía

El murcianu se destiendi por tola previncia de Murcia, parti dela Previncia d'Alicanti (las localiáis de Villena, Sax, Salinas, Elda i Aspe), i la Previncia d'Albaceti.

Caraitirísticas

Conservación de f- anicial en angunus topónimus. ex: El Fenazar, Ferriol, Fontanar, Fontanilla, Fonseca. Tamién en angunus topónimus d'origi moçarabi: La Fausilla (de falce, col ditongu au conservau) i Ficaria (de 'higuera', cona consonanti sorda mantenía).
Huélligas d'enfrugencia aragonesa o catalana en angunas vozis que conservan la consonanti sorda entrivocálica: cayata, cocote, acachar, pescatero (pescaeru), yatear (acezal), atoba (adobe).
D'origi aragonés: la conservación del grupu -ns- en parabras comu ansa (agarraera), pansío (mustiu), panso (passau), suspensar (sopessal), etc.
Comu nel catalán, se paladaliça la l- anicial en munchas cassionis: llampar, llampear (relampagueal), llampío i llampo (relámpagu), llampuga (aspeci de peci), llanda (lata), llanquete, llatido (latíu), llengua (luenga), lletura (letura), lluegu (aluegu), etc.
Tamién comu en catalán i aragones, se conserva en angunas vozis los grupus anicialis pl-, cl-, fl-. ex: flamarada (llamareta), planaje (varita real), etc.
Ena prenuncia, se gasta l'africada c en varias equivalencias valencianas en ves dela velal sorda castillana. ex: minchar (comel), panocha (n'aragonés panolla i valencianu panotxa), regachar, rodacha, etc.
El ditongu ei abri la su e. ex: azaiti (azeiti), sais, etc.
Dessapaicin angunas consonantis en munchas parabras. ex: piojar (peujal), caeza (cabeça), toillu (tobillu), etc.
La -d- entrivocálica dessapaíci. ex: escullar (escullal), bebía, bufío (bufíu), crúo (crúu), ciazo (ceaçu), pesambre (desazón), sábao (sábau), etc.
El sufiju -algu se hazi -ajo, paicíu a lu cómu se hazi en Bajós. ex: noviajo (novialgu), mayorajo (mayoralgu), etc.
El rehuerçamientu nasal ocurri munchu. ex: bolinche, henchizar, romanza, lenjus, muncho, etc.
Restitición por r d'implossivas en parabras con grupus cultus. ex: arto (en ves de "acto", astu), dirno (en ves de "digno", dinu), orsequio (en ves de "obsequio", ossequiu), armósfera (en ves de "atmósfera", almósfera), etc.
La -r- entri vocalis dénticas sueli perdel el su elimentu vocálicu. ex: grapá (en ves de "garapada"), drecho (en ves de "derecho", derechu), abriguar (en ves de "averiguar", abrigual o verigual), torzón (en ves de "torozón", torçón), abrujarse (en ves de "aburujarse"), brujón (en ves de "burujón", gorullón), etc.

Tratamientu delas -r i -l implossivas

Se dentifican pol compretu -r i -l improssivas. ex: farta (en ves de "falta", halta), er (en ves de "él"), árto (en ves de "álto", altu), arzá (en ves de "alzal", alçal). En Cartagena i alreoris el tiraeru es el mua-lu por -l. ex: mujel (en ves de "mujer"), amol (en ves de "amor"), hasel (en ves de "hazel"). Enos enfinitivus, n'Albaceti se conserva la -r cabera, peru en Murcia esta se múa. ex: pedille, cogello, atajallo, etc.

Seseu i aspiración de -s cabera

La -s cabera sueli d'aspiral-si. Esta es siempri sorda i ensordeci ala consonanti sonora qu'acontina.

3. L'asimilación regresiva de consonantis en grupus enternus cumu /ds/ (adscribir), /bs/ (substracción), /ks/ (exponente), /rs/ (intersticio), /ns/ (constar), /rn/ (carne), /rl/ (Carlos), /kt/ (contacto), /dk/ (adquirir) o /gd/ (Magdalena), la cual provoca la geminación del segunderu los sonius consonanticus (procesu que se culmina cona reución d'esta geminada cumu nel chascu de madalena).

4. L'aspiración de la /s/ implosiva; alanti de sordas (esplosivas) asimila el puntu d'articulación al del segunderu elementu (obippo, cáccara).

Referencias

Biblografía

Zamora Vicente, Alonso (1979). Dialectología española. Madrid: Gredos. ISBN 84-249-1115-6.

Atijus p'ahuera