Pairi Anhi

Pairi Anhi

Ángel Roncero (conocíu ena redi comu Pairi Anhi o Pateraggelos, o The Father), es un filólagu dombenitensi. Se trata del primel çahoril la Güiquipeya, amás de sel el hundaol dela mesma i, pol tantu, unu los usuarius mas emportantis de la Güiquipedia n'estremeñu. Los sus artícalus se centrarun ena primel etapa (ena Encubaora), ditandu 676 vezis nel domiñu definitivu (ext.wikipedia.org). Ogañu está inativu.

Biografía

Ángel Roncero, qu'assina se llama ena via real, s'enteressó pola muestra palra cuantis que leyó la tradución al estremeñu d'El Prencipinu de Antòniu Garríu Correas. Alogu, comprebó que la su afición era compartia con mas genti cuandu descubrió la bitácora Cúyu pan eharras? de Ismael Carmona.

Correúra prehessional

Deciyó crial una velsión n'estremeñu la Wikipedia, encetandu la Güiquipeya ena Encubaora la Hundación Wikimedia. Finalmenti la Wikipedia estremeña hue aprebá el 6 de Marçu de 2008, hechu polémicu albondu (el filólogu José Antonio González Salgado llamó a tolos promotoris "terroristas de la lengua").

Amás de la atividá comu güiquígrafu, desempeñó las huncionis de almenistraol duna bitácora llamá "Si eris estremeñu, palra estremeñu: Enteracionis i pensaerus del puebru estremeñu", escrebia ena Ortografía del extremeño, ondi endilgó angunas traducionis de testus famosus al estremeñu i angunas críticas literárias.

Atijus p'ahuera

• Blog pressonal
• Página d'usuáriu
• El Criticonomicón

• Datos: Q25689091