Petroliu

Dendi Güiquipeya
Ir a la navegación Ir a la búsqueda
Gxermo2.svg Esti endilgui es un encetu
Si te apeta, pueis enlial-ti a trebajal en él, landeandu más información i amejorandu lo escritu.


El petroliu (del griegu: πετρέλαιον, lit. «aceiti de roca») es una mescla de compuestus orgánicus, prencipalmenti idrocarburus insolublis en áugua. Tamién es conociu cumu oru nigru, petroliu crú o simplementi crú.

Se produzi nel interiol dela Tierra, pol transhormación de la materia orgánica acumula en borrundangus del pasau geológicu i puei acumulalsi en trampas geológicas naturalis, de ondi se extrai meyianti la perhoración de poçus.

En condicionis normalis de presión i temperatura es un líquiu bituminosu que puei presental gran variación en divelsus parámetrus cumu colol i viscosida (endi amarillentus i pocu viscosus cumu la gasolina hata líquius nigrus tan viscosus que apenas fruyin), densida (entri 0,66 g/ml y 0,9785 g/ml), capacida calorífica, etc. Estas variacionis se evin a la diversida de concentrazionis delos idrocarburus que componin la mescla, estu hazi que el petroliu de ca poçu o huenti sea destintu de otru.

Es un recursu no renovabli i oguañu tamién es la prencipal huenti de energía i materia prima pala generación duna gran varieda de dimanaus, entri los que se incluyin la mayoría delos práticus. El petroliu líquiu puei presentalsi asociau a capas de gas natural, en yazimientus que ain estau enterraus duranti millonis de añus, cubiertus polos estratus superioris de la corteça terrestri.

Ebiu a la su importancia fundamental cumu materia prima, la venta del petroliu i los sus dimanaus es un pilal fundamental del mercau mundial i la pulítica exteriol de varius paísis.

Enos Estaus Unius, es común meil los volúmis de petroliu líquiu en barrilis (de 42 galonis estauniensis, equivalenti a 158,987 litrus), i los volúmis de gas en piis cúbicus (equivalenti a 28,317 litrus); en otras regionis ambus volúmis se midin en metrus cúbicus.